Өз мамандығына адал болу

              Алда айтулы мереке - медицина қызметкерлерінің күні  келе жатыр, бұл күні ардагерлерді еске алу дәстүрге айналған.

              Бүгін осы күні біз Павлодар облысының санитариялық-эпидемиологиялық қызметінің ардагері, Республиканың денсаулық сақтау саласының үздігі,  40 жылға жуық уақытын денсаулық сақтау саласына арнаған Сорокина Ирина Николаевнаны ерекше жылулықпен еске аламыз.

             Ол еңбек жолын 1984 жылы бастады, Омбы мемлекеттік медициналық институтын «Гигиена, санитария, эпидемиология» мамандығы бойынша бітірген жас маман Ирина Сорокина Павлодар қаласының  Ильичев аудандық санэпидстанциясына орналасады. 1987 жылы Ирина Николаевна аурухана ішілік инфекцияларды қадағалау және қалалық санэпидстанцияның ошақтық дезинфекция бөліміне жұмысқа ауысады.

            1988 жылы Минск қаласының тәжірибесі бойынша Павлодарда алғаш рет медициналық бақылау қызметі және медициналық ұйымдарды санэпидқадағалау бөлімшесі ұйымдастырылды, оны И.Н.Сорокина басқарды. 2001 жылдан бастап эпидемиолог өз қызметін облыстық департаментте жалғастырды.

            35 жыл бойы Ирина Николаевна әріптестерімен бірге медициналық ұйымдарға, соның ішінде жеке клиникалар мен диспансерлерге тексерулер жүргізумен айналысты, дезинфекциялық режимнің жағдайын тексерді.

            Сонымен қатар,15 жылдан астам уақыт бойы И.Сорокина Павлодар медициналық колледжінде сабақ беріп, жұмыс істеп жүрген медицина қызметкерлерін ауруханаішілік инфекциялардың алдын алу мәселелері бойынша біліктілікті арттыру курстарында оқытты.

            2013 жылы И.Н. Сорокина Павлодар облысының санитариялық-эпидемиологиялық бақылау департаменті басшысының орынбасары болып тағайындалды, жалпы аймақтың эпидемиология мәселелеріне жетекшілік етуді жалғастырды, ал 2016 жылдан Департамент басшысы болды.

            Осы жылдар ішінде халықтың санитариялық-эпидемиологиялық салауаттылығы мәселелерінде үлкен серпіліс жасалды. Елімізде алғашқылардың бірі болып Павлодар облысында АІИ эпидемиологиялық қадағалау жүйесі құрылды, инфекциялық стерилизацияның бірыңғай жүйесі әзірленді, дезинфекция және профилактика мәселелерінде эпидқадағалаудың заманауи технологиялары енгізілді.

            Ирина Николаевнаның қатысуымен республикада алғаш рет барлық медициналық ұйымдарда медициналық қалдықтарды қауіпсіз пайдалану бойынша бағдарлама әзірленді және енгізілді. Мысалы, қан алу үшін бірнеше рет қолданылатын құралдарды пайдалануға жол бермеуге мүмкіндік беретін бірқатар технологиялар енгізілді.

             2020 жылы Ирина Николаевнаны зейнеткерлікке шықты, алайда бүгінде ол облыстың медициналық ұйымдарының бірінде госпитальдық дәрігер-эпидемиолог болып жұмыс істей отырып, өз мамандығына адал болып қалуда.  Ирина Николаевна Сорокина эпидемиологтың мерзімсіз жоғары санатына ие.

            Санитарлық дәрігер жұмысындағы ең қиын және маңызды нәрсе – пікірлері бір адамдардың тобын қалыптастыру, әрқайсысымен тіл табысып, идеялар жанында біріктіру дейді Ирина Николаевна.  Санэпидқызмет ардагерінің айтуынша,  стандартты емес міндеттерді шешуде шығармашылық тәсіл тапқан кәсіпқойлардың мықты командасында жұмыс үлкен бақыт.

           Өз жұмысыңды сүю, формалды емес, шығармашылық тұрғыдан қарау өте маңызды, ең бастысы, адамдар үшін және адамдардың игілігі үшін жұмыс істейтіндігіңді түсіну керек, - деп атап өтті Ирина Николаевна өз әңгімесінде.

           И. Н. Сорокинаның мемлекеттік наградалары қатарында– «Қазақстан Республикасының денсаулық сақтау ісінің үздігі» төсбелгісі, Қазақстан Республикасы Тәуелсіздігінің 25 жылдығына мерейтойлық медалі, ҚР Президентінің «Денсаулық сақтау және елдің эпидемиялық қызметін дамыту саласындағы ерекше еңбегі үшін» Құрмет грамотасы, денсаулық сақтау Министрінің үш грамотасы, Қазақстан Республикасының Бас мемлекеттік санитариялық дәрігерінің грамотасы, сондай-ақ басқа да ведомстволардың көптеген грамоталар мен алғыс хаттары бар.