Ұшақтарда пайдалануға арналған тағам

              Борттық тамақтандыру цехы – әуе кемелеріне жөнелтуге арналған тамақ өнімдерін өндіру объектісі. Борттық тамақтандыру цехында әуе кемелерінің жолаушылары мен экипаж мүшелері үшін тамақ дайындалады, жинақталады және қысқа уақытқа сақталады.

              Бұл – әр түрлі ассортиментті және тек балғын өнімдерді қолдана отырып, өндірістің барлық кезеңдерін бақылау. Өндірісте НАССР сапаны бақылау жүйесінің халықаралық стандарттары (тәуекелдерді талдау және сыни бақылау нүктелері) қолданылады, осыған байланысты оны өндірудің әр кезеңінде өнімнің қауіпсіздігіне қатаң бақылау жүргізіледі.

              Нұр-Сұлтан қаласында борттық тамақтандыруды ұйымдастыру «Qazaqstan Catering Solution» ЖШС республикадағы борттық тамақтану өндірісінің көшбасшыларының бірі болып табылады және республикалық, сондай-ақ шетелдік авиакомпанияларды өз өнімдерімен қамтамасыз етеді.

             Кәсіпорын өнімнің қауіпсіздігі мен сенімділігіне кепілдік береді, өз клиенттеріне суық, ыстық тағамдар, нан-тоқаш және кондитерлік өнімдерді қамтитын сапалы борттық тағаммен авиакомпанияларға қызмет көрсету бойынша қызметтердің барынша көп кешенін ұсынады.

            Цех режимдік объектілерге жатады, өйткені кіре берісте арнайы рұқсат қағазы, күзет қызметінің қатаң тексеруі және жеке тексеру сканері қажет.

            Борттық тамақтану цехы авиарейстің ұшуына дейін 12 сағат бұрын авиакомпаниямен келісілген тамақ өнімдерінің барлық жиынтығын дайындайды, технологиялық процесті дайындау мен сақтаудың барлық шарттарын сақтай отырып, тоңазытқыш жабдығында сақтауды жүзеге асырады. Әуе кемесінің борты ұшудан 1 сағат бұрын жинақталған тамағы бар контейнерлерді қоймадан ұшаққа жеткізеді. 

            Өз кезегінде, көліктегі санитариялық-эпидемиологиялық бақылау департаментінің бөлімі жазғы кезеңнің басталуына байланысты «Qazaqstan Catering Solution» ЖШС борттық тамақтану цехының қызметкерлері үшін жіті ішек инфекциясы мен тамақтан уланудың алдын алу мақсатында ақпараттық-түсіндіру жұмыстарын жүргізді.

            Жедел ішек инфекциясы – бұл бактериялар, вирустар тудыратын, балалар мен ересектердегі ішек функциясының бұзылуымен (диареямен) сипатталатын жұқпалы ауру. Жұқпалы өткір ішек ауруларының басталу маусымы жаз айлары болып табылады.

            Тамақтан улану тамақ арқылы берілетін әртүрлі этиологиялардың аурулар тобына жатады. Көктем, жаз айларында тамақтан улану жиі тіркеледі.

            Аурудың алғашқы белгілері: жалпы әлсіздік, апатия, мазасыздық, тәбеттің болмауы, шөлдеу, құсу, іштің жиі ауыруы, дене қызуының көтерілуі, бас ауруы.

Санитариялық-профилактикалық және санитариялық-эпидемияға қарсы талаптардың сақталуын қамтамасыз ету мақсатында борттық тамақтану цехының қызметкерлері арасында: 

- тез бұзылатын тамақ өнімдерін өндірудің, сақтаудың, тасымалдаудың, дайындаудың және сатудың санитариялық-гигиеналық жағдайларын сақтау;

- шикізат пен тамақ өнімдерінің қауіпсіздігі мен сапасын растайтын құжаттардың болуы;

- шикізат пен дайын өнімнің сапасына өндірістік бақылау жүргізу;

- өндірістік, технологиялық және тоңазытқыш жабдықтарының үздіксіз жарамды жұмысы;

- Қазақстан Республикасының аумағында қолдануға рұқсат етілген жуу және дезинфекциялау құралдарының жеткілікті болуы;

- жуу және дезинфекциялау құралдарын қолдана отырып, ағымдағы және күрделі жинауды жүргізу;

- персоналдың мерзімді медициналық тексеруден және гигиеналық оқытудан уақтылы өтуі;

- персоналдың жеке гигиенаны сақтауы бойынша талаптар түсіндірілді.

Жіті ішек инфекциясы мен тамақтан уланудың алдын алу шараларына мыналар жатады:

- тамақ ішер алдында қолды сабынмен мұқият жуу;

- жемістер мен көкөністерді ағынды сумен мұқият жуғаннан кейін тұтыну;

- шикі өнімдерді мұқият термиялық өңдеу;

- суды ішер алдында оны міндетті түрде қайнату немесе бөтелкедегі суды тұтыну;

- ішек инфекцияларының алдын алу үшін жеке гигиенаны қатаң сақтау.

              Тазалық пен жеке гигиена көптеген жұқпалы аурулардың алдын алатын басты талап болып табылады.