Ақмола облысында жіті ішек инфекцияларымен сырқаттанушылықтың өсуі байқалады

Ақмола облысында жіті ішек инфекцияларымен сырқаттанушылықтың өсуі байқалады

Жылы мезгілдің басталуымен ЖІИ - патогендік және шартты патогендік бактериялар, вирустар тудыратын және асқазан-ішек жолдарының зақымдалуымен сипатталатын жіті ішек жұқпалы ауруларының жоғарылауы байқалады. ЖІИ жылдың кез-келген уақытында пайда болуы мүмкін, бірақ жазда, ыстық ауа-райында, егер жеке гигиена сақталмаса, вирустар, бактериялар белсендіріледі, осылайша адам ағзасына оңай әсер етеді.

Бірінші тоқсанның қорытындысы бойынша облыс бойынша ЖІИ-мен сырқаттанушылықтың 128 жағдайы тіркелді, жіті ішек инфекцияларымен сырқаттанушылықтың 3,1 есеге (67,9%), оның ішінде 14 жасқа дейінгі балалар арасында 2,9 есеге өсуі байқалады.

Соңғы аптада, 21-27 сәуір аралығында жіті ішек инфекцияларының 6 жағдайы (Есіл ауданында 5 жағдай және Аршалы ауданында 1 жағдай), сондай-ақ Степногорск қаласында сальмонеллез инфекциясының 1 жағдайы анықталды.

Эпидемиологиялық тексеру кезінде үш жағдайда тамақ өнімдері (көкөністер мен жемістер, сүт және сүт өнімдері), 1 жағдайда - тұрмыстық байланыс және 2 жағдайда-қайнатылмаған суды пайдалану берілу факторы болғандығы анықталды.

ЖІИ алдын алудың 10 ережесі:

  1. Қауіпсіз тамақ өнімдерін таңдау.
  2. Тамақты мұқият дайындаңыз.

3.Тамақты пісіргеннен кейін бірден ішіңіз.

  1. Тамақ өнімдерін мұқият сақтаңыз.
  2. Алдын ала дайындалған тағамды мұқият қыздырыңыз.
  3. Шикі және дайын тамақ арасында жанасудан аулақ болыңыз.
  4. Қолдарыңызды жиі жуыңыз.
  5. Ас үйді мінсіз таза ұстаңыз.
  6. Тамақты жәндіктерден, кеміргіштерден және басқа жануарлардан сақтаңыз.
  7. Таза суды қолданыңыз.

Егер Сіздің отбасы мүшелелеріңіздің біреуі ішек инфекциясын жұқтырып, үйде болса, оны басқа отбасы мүшелерінен оқшаулауға тырысыңыз. Оған бөлек ыдыс-аяқ, төсек-орын, сүлгі беріңіз, науқастарға күтім жасау кезінде жеке қорғаныс құралдарын (қолғап, бетперде) қолданыңыз. Дезинфекциялаушы заттарды қолдана отырып, үйде жалпы тазалауды жасаңыз, содан кейін науқас қалпына келгенше үй-жайларды желдетіп, күнделікті дымқыл тазалауды қамтамасыз етіңіз.

Әрбір науқас басқа адамдарға қауіпті болуы мүмкін екенін есте ұстауы керек, сондықтан ішек бұзылысының алғашқы белгілері пайда болған кезде өзін-өзі емдеумен айналыспай,  медициналық көмекке жүгініңіз!