Ақмола облысында ЖРВИ көрсеткіші екі есеге өсті
ЖРВИ-тыныс алу жолдарының ауруы, оның себебі вирустық инфекцияның ағзаға енуі. Қоздырғыштардың ішінде ең көп тарағандары – тұмау, парагрипп вирустары, аденовирустар және риновирустар.
2021-2022 жылдардағы эпидемиялық маусымның ағымдағы кезеңінде Ақмола облысында ЖРВИ 66 350 жағдайы тіркелді, бұл өткен жылдың сәйкес кезеңінің көрсеткішінен 1,9 есе жоғары. ЖРВИ-мен сырқаттанушылық құрылымында 14 жасқа дейінгі балалар арасында сырқаттанушылықтың үлес салмағы 36,1%-ды, жүкті әйелдер арасында 2%-ды құрады. ЖРВИ, пневмонияның асқынулары 645 жағдайда тіркелген, өткен эпидемиялық маусымға қарағанда 1,03 есе өсу байқалады, оның ішінде 14 жасқа дейінгі балалар арасында 369 жағдай, бұл 57%-ды құрады.
Өткен аптада өңірде ЖРВИ-дің 797 жағдайы тіркелді, 100 мың тұрғынға шаққанда сырқаттанушылық көрсеткіші 107,05-ті құрады. Сырқаттанушылықтың 1,8 есеге төмендегені байқалады. Тіркелген жағдайлардың жалпы санынан ЖРВИ жағдайларының ең көп саны Көкшетау қаласында (62%) тіркелген.
Тұмау-бұл барлық жерде кең таралған жоғары жұқпалы вирустық инфекция. Тұмау-ауа тамшыларымен және контактілі-тұрмыстық жұқтыру механизмдерімен өте жұқпалы вирустық инфекция.
Орташа алғанда, ересек адамның оннан бір бөлігі және әрбір үшінші бала жыл сайын тұмаумен ауырады. Сонымен қатар, сауығып кетумен аяқталатын жеңіл және орташа ауыр формалармен қатар, кейбір науқастарда өлім-жітімге әкелетін асқынулар туындайды. ДДСҰ мәліметтері бойынша, жыл сайын әлемде тұмаудың өршуі кезінде халықтың шамамен 15% - ы ауырады, оның ішінде 250-500 мың адам қайтыс болды. Сонымен қатар, тұмаудан кейінгі асқынулар тек қауіп-қатер тобына кіретін адамдарда ғана емес, сонымен қатар жастарда, дені сау адамдарда да кездеседі. Тұмаудың әр өршуі халықтың денсаулығына және тиісті аймақ пен елдің экономикасына айтарлықтай зиян келтіреді. Оқушылардың 40%-ы тұмау мен ЖРВИ-мен ауырады. Жас ұрпақта өте ауыр асқынулар болады: отит, астма, пневмония. Нәтижесінде тұмаумен ауырған әрбір алтыншы бала ауруханаға тап болады.
2021-2022 жылдардағы эпидемиялық маусымның ағымдағы кезеңінде облыс бойынша тұмаудың 3 жағдайы тіркелді: Шортанды ауданында – 2, Зеренді ауданында – 1.
Тұмау және ЖРВИ асқынулармен қауіпті, сондықтан респираторлық аурулардың алғашқы белгілері пайда болған кезде өзін-өзі емдеумен айналысуға болмайды, дереу дәрігерге қаралу қажет.