Су тасқыны кезеңіндегі су сапасының мониторингі
Қардың еруі, cу тасқыны - бұл көктемнің белгісі ғана емес, сонымен қатар микроорганизмдердің еріген сулармен ауыз суға түсу қаупі, оны тұтыну қолайсыз нәтижелерге әкеле алатын тырысқақ, дизентерия, вирустық гепатит, ротавирустар және басқа да көптеген аурулардың дамуына әкелуі мүмкін.
Ағымдағы жылы облыста эпидемиологиялық жағдай тұрақты, сапасыз ауыз суды пайдалануға байланысты топтық аурулар тіркелген жоқ. 1 тоқсанда облыста «А» вирустық гепатитінің 3 жағдайы тіркелді, бұл өткен жылмен салыстырғанда 1-ге артық.
Жұқпалы аурулардың алдын алудың тиімді шараларының бірі вакцинация болып табылады, мысалы, 2021 жылы вирустық гепатитке қарсы 17673 адам егілді.
Ротавирустық инфекциялармен сырқаттанушылықтың өсуі байқалады, егер 2021 жылғы 1 тоқсанда бірде-бір жағдай болмаса, ағымдағы жылы 58 жағдай тіркелген.
Облыс аумағында су басу қаупі жоғары аймақта Атбасар, Астрахан, Целиноград, Аршалы, Бұланды, Сандықтау, Қорғалжын аудандарындағы 37 елді мекен бар.
Су тасқыны кезеңінде халықтың санитариялық-эпидемиологиялық саламаттылығын қамтамасыз ету мақсатында облыста аумақтық санитарлық-эпидемиологиялық бақылау басқармаларының және «Ұлттық сараптама орталығы» ШЖҚ РМК филиалы бөлімшелерінің қызметкерлерінен жедел штаб құрылды. Зертханалардың жоғары дайындығы қамтамасыз етілді, су құбыры суының сапасына тұрақты мониторинг жүргізілуде, сумен жабдықтау объектілеріне көктемгі профилактикалық дезинфекция жүргізу кестесі келісілді, әлеуметтік желілер және интернет-ресурстар арқылы халық арасында түсіндіру жұмыстары жүргізілуде.
Мониторинг аясында су тасқыны кезеңінде облыста су құбыры суының 102 сынамасы алынды, оның ішінде Шортанды ауданында 9 сынама санитариялық-микробиологиялық және санитариялық-химиялық көрсеткіштер бойынша нормативтерге сәйкес келмейді. Шортанды аумақтық басқармасы шаруашылық жүргізуші кәсіпорынның атына эпидемияға қарсы іс-шаралар кешенін жүргізу туралы қаулы шығарды, жағдай туралы ауданның жергілікті атқарушы органдары мен прокуратурасына хабарланды.
Ақмола облысы СЭБ департаментіне су құбыры желілеріндегі авариялар туралы уақтылы хабарлай отырып, жергілікті атқарушы органдармен бірлесіп, сумен жабдықтау және су бұру объектілеріндегі авариялық жағдайлардың алдын алу жөніндегі іс-шаралар күшейтілді.
Барлық жеке кәсіпкерлер, жеке және заңды тұлғалар өндірістік бақылауды Қазақстан Республикасының «Халық денсаулығы және денсаулық сақтау жүйесі туралы» Кодексінің 90-бабының 4-тармағына сәйкес жүзеге асыруға міндетті.
Бүгінгі күні өндірістік бақылау шеңберінде 2756 су сынамасы зерттелді, оның 490 сынамасы санитариялық нормаларға сәйкес келмейді, оның ішінде 10 - ы санитариялық-микробиологиялық көрсеткіштер бойынша және 480 сынамада бұлттылық пен түстілік деңгейлерінің асып кетуі анықталды.
Барлық сәйкес келмейтін сынамалар бойынша шаруашылық жүргізуші субъектілермен профилактикалық және эпидемияға қарсы іс-шараларды ұйымдастыру бойынша жұмыстар жүргізіледі.
Су тасқыны қаупі бар жағдайлардың туындау тәуекелін болдырмау үшін кәсіпорындар, шаруашылық жүргізуші субъектілер, мекемелер мен ұйымдар, оның ішінде сумен жабдықтаудың тамақ өнеркәсібі объектілері іргелес аумақтарды қардан тазартуды уақтылы жүргізу қажеттігін еске саламыз. Өнеркәсіптік кәсіпорындарға еріген су мен топырақтың ластануын болдырмау үшін іргелес аумақтарды және объектілердің санитарлық-қорғау аймағын қардан ғана емес, өндіріс қалдықтарынан да тазарту ұсынылады.