Құтырудың емі жоқ, алайда ауруының алдын алуға болады

              Павлодар облысында құтыру бойынша жануарлар арасындағы эпизоотологиялық жағдай күрделі болып отыр. Бүгінгі таңда бұл денсаулық сақтау мен ветеринарияның маңызды мәселелерінің бірі, өйткені табиғатта құтыру ауруының пайда болуына байланысты эпизоотологиялық процеске ауылшаруашылық жануарлары да қатысады. Вирус үнемі айналымда  және кең таралған.

             Өткен жылы облыста жануарлар арасында құтыру ауруының зертханалық расталған 11 жағдайы тіркелді, оның ішінде Железин ауданында - 6 жағдай,Баянауыл ауданында - 2 жағдай, Аққулы, Тереңкөл және Ертіс аудандарында-бір-бірден.Ошақтарда  байланыста болған 35 адам анықталды, олар кейіннен вакцинацияның толық курсынан өтті.

              Құтыру вирусы қауіпті, өйткені ол адамға ауру жануарлардан - иттер, мысықтар, түлкілер, қасқырлар, жарқанаттардан беріледі. Инфекция аздап тырналған кезде,сондай-ақ ауру жануардың сілекейі терінің зақымдалған жерлеріне тиген кезде де мүмкін. Медициналық көмекке уақтылы жүгінбеген жағдайда орталық жүйке жүйесіне  зақым келіп, соңы  өлімге әкелуі мүмкін.

            Павлодар облысында адамда құтыру ауруының соңғы жағдайы 2015 жылы тіркелді. Ер адам ауру ит тістегеннен кейін медициналық көмекке жүгінбей бір айдан кейін қайтыс болды.

            Есіңізде болсын: тістегеннен кейін зардап шеккендер дереу дәрігерге қаралуы керек, өйткені адамға жануар жасаған кез-келген жарақат құтыру вирусын жұқтыруы мүмкін деп бағалануы керек. Зардап шеккендерге алғашқы медициналық көмекті облыстың травматологиялық пункттері мен емханалары тегін көрсетеді. Екпе салу өтініш берген күні, содан кейін 3,7,14 және 28-ші күні жүргізіледі (барлығы 5 инъекция). Дәрігер тағайындаған емдеу-профилактикалық иммундауды толық және үзіліссіз алу қажет. Әр өткізіп алған күн өміріңізге қауіп төндіреді!

           Назар аударыңыз - құтыру ауруының алдын алуға болады, бірақ емдеуге болмайды!