Қостанай облысының төрт мыңнан астам тұрғыны «Спутник Лайт» вакцинасымен ревакцинацияланды

              Аталмыш препарат өңір тұрғындарына 27 қаңтар айынан бастап қол жетімді болды. Облысқа бұл вакцинаның бес мың дозасы келіп түсті. Осы күндері үдеткіш инъекциядан өтуге ниет білдірушілер көбейді. Емханаларда, сондай-ақ егу пункттерінде ревакцинацияланғандардың айтарлықтай өсуі байқалады. Облыс тұрғындары "Спутник Лайт" векторлық вакцинасымен егілуде.

             Тек өткен апта ішінде 4 040 тұрғын КВИ қарсы вакцинасының үшінші дозасын аталмыш препаратпен алды. Олардың басым бөлігі Қостанай – 1 699 және Рудный – 980 қалаларында. Созылмалы аурулары бар (қант диабеті, өкпенің созылмалы обструктивті ауруы, жүрек-қантамыр жүйесі) бес жүзден астам адам "Спутник Лайтпен" қайта егілді.

             Бүгінгі таңда Қостанай облысында вакцина саны жеткілікті. Белсенді емес вакцинамен егілген әрбір адам – Vero Cell, Hyat-Vax, QazVac, CoronaVac – ресейлік "Спутник Лайт" вакцинасымен немесе "Спутник V" бірінші компонентімен күшейткіш дозаны ала алады. Белгілі топқа жататын азаматтар, сондай-ақ 60 жастан асқан адамдар және медицина қызметкерлері Pfizer препаратымен ревакцинациядан өте алады.

            Бүгінгі таңда облыс бойынша 80 172 адам қайта егілді. Әр түрлі вакциналардың кросс-инъекциясы барлық СOVID-19 штамдарына қарсы иммундық күйді бекіту үшін қолданылады. Өңір тұрғындары қалауларынша бірінші рет екпе алған вакцинамен ревакцинациядан өте алады.