Ақмола облысы бойынша жүргізілген жұмыстың нәтижесінде өнімдердің техникалық регламенттер талаптарындағы сәйкессіздіктер саны едәуір төмендеді

Сатылатын өнімдердің (тауарлар) қауіпсіздігі бойыншабелгіленген техникалық регламенттерталаптарының сақталуын бақылау мен қадағалауды жүзеге асыру қоғамдық денсаулық сақтау органдарының қызметінде маңызды міндеттердің бірі болып табылады.

Өнімнің қауіпсіздік мониторингі, мемлекеттік санитарлық-эпидемиологиялық бақылаудың өзге де нысаны сияқты 2015 жылдан бастап  санитарлық-эпидемиологиялық сараптаманы жүргізу үшін сатып алу жолымен жүзеге асырылып келеді.

Жүргізілген жұмыстың нәтижесінде өнімдердің техникалық регламенттер талаптарындағы сәйкессіздіктерсаныедәуір төмендеді. Мәселен, 2015 жылы тексерілген өнімнің 38,4 % -да сәйкессіздік анықталса, 2016 жылы 24,1 % - да, 2017 жылы 17,2% - да белгіленген.

Облыс нарығында сәйкес келмейтін өнімдердің айналымын анықтау және жолын кесу бойынша жұмысты біз  тұрақты түрде жүзеге асырамыз - халыққа сатылатын өнімдерге қауіпсіздік мониторингі ай сайын жүргізіледі, сондай-ақ тамақ өнеркәсібі кәсіпорындары жоспарлы түрде тексеріліп тұрады. 

2017 жылы 3,5 млн. теңгеге өнім сатып алынды.

Сараптаманың нәтижелері бойынша 2017 жылы сатып алынған сынаманың 17,2 %-ы қолданыстағы заңнаманың талаптарына сәйкес келмеген, соның ішінде:

- тамақ өнімдері –11,8%;

- балалар ойыншықтары – 8,7%;

- балаларға арналған тауарлар – 5,2 %;

- балалар мен жасөспірімдерге арналған киімдер - 5,8%;

- парфюмерлік - косметикалық заттар, ауыз қуысы гигиенасының құралдары – 6%;

- синтетикалық жуғыш құралдар мен тұрмыстық химия тауарлары – 1%;

- майлау материалдары, майлар және арнайы сұйықтықтар – 0,7%;

- полимерлік, синтетикалық және өзге де материалдар – 0,2%.

Көбінесе бұзушылықтарға таңбалау сәйкессіздігі себеп болған – 91,4%, 7,7% - қауіпсіздіктің микробиологиялық көрсеткіштері бойынша, 4,8% - физикалық-химиялық көрсеткіштері бойынша.

5 тоннадан астам өнім сатылымнан алынды, оның ішінде 324 кг тамақ өнімдері және 3 тонна химиялық және мұнай-химия өнімдері.

Анықталған бұзушылықтар фактілері бойынша кәсіпкерлік субъектілеріне халықтың санитариялық-эпидемиологиялық салауаттылығы саласындағы  Қазақстан Республикасы заңнамасы талаптарындағы бұзушылықтарды жою туралы 162 ұйғарым берілді.

Тексеру нәтижелері бойынша 23 млн. теңге сомасына айыппұл салынды.