Түркістан қаласында сыбайлас жемқорлыққа қарсы өткізілген семинар туралы

2019 жылғы 4 сәуірде Түркістан қаласында ҚР Денсаулық сақтау министрлігінің Жауапты хатшысы  Б.Т. Төкежановтың төрағалығымен Түркістан, Жамбыл, Қызылорда облыстары және Шымкент қаласының Қоғамдық денсаулық сақтау департаменттерінің басшылары, олардың орынбасарлары, аудандық басқарма басшылары, бөлім басшылары мен мамандарына және көліктегі Түркістан, Жамбыл, Қызылорда бөлімшелік басқармаларының басшыларына мемлекеттік қызметкерлердің қызметтік әдеп нормаларын көтеру және сыбайлас жемқорлыққа қарсы күрестің өзекті мәселелері бойынша көшпелі семинар-кеңес өткізілді.

ҚР 2017 жылы -14 сыбайлас жемқорлық жағдайы тіркелген, 2018 жылы 8 жағдай. Семинар-кеңесте ҚР ДСМ Қоғамдық денсаулық сақтау комитетінің Төрағасы Ж.М.Бекшин баяндама жасады. Баяндамасында Комитет Қазақстан Республикасының 2015-2025 жылдарға арналған сыбайлас жемқорлыққа қарсы стратегияны, «100 нақты қадам» ұлттық жоспарын, Министрліктің және Комитеттің сыбайлас жемқорлыққа қарсы күрес жөніндегі іс-шаралар жоспарын іске асыру бойынша жұмысты жүйелі түрде жүргізіп отыратындығын атап өтті.

Осылайынша, 2017 жылдан бастап 66 санитариялық қағидаға ревизия жүргізіліп, ескірген 29 санитариялық қағиданың күші жойылды, 34 Санитариялық қағидаларындағы артық талаптар алынып тасталды, бұл былтырғы жылмен салыстарғанда рұқсат беру құжаттарының санын 6%-ға, ақпараттық құрал-саймандардың санын 68%-ға қысқартуға мүмкіндік берді;

• Комитетпен көрсетілетін 14 мемлекеттік қызметтің ішінде 11-і толығымен электрондық форматқа көшіріліп, автоматтандырылған, 3 қызмет балама түрде электрондық және қағаз түрінде көрсетіледі;

• 2018 жылы визнес объектілерін тексеру саны 28%-ға қысқарып, осыған байланысты 20280  нысан ерекше тәртіп бойынша тексеруден босатылды;

- Комитет Бас прокуратураның Құқықтық статистика және арнайы есепке алу комитетімен бірлесіп объектілерді тексеруді оңтайландыру мәселелері бойынша ТБТ (Тексерулердің бірыңғай тізілімімен) интеграциялау жұмысын жалғастыруда.