Павлодар облысында вакцинациялау барысы туралы
Коронавирустық инфекция көптеген аймақтарды қамтуда. Бүгінгі таңда Павлодар облысы да қызыл аймаққа енді. Өңірде коронавирустық инфекцияның 58 307 жағдайы тіркелген, оның ішінде КВИ-дің 223 жағдайы өткен тәулікте ғана тіркелген!
Облыста коронавирустық инфекцияның таралуын болдырмауға бағытталған бірқатар карантиндік шектеулер қабылданды, алайда вирустың жаңа түрі – Omicron штаммы өзінің таралу жылдамдығымен қауіп төндіріп отыр. Әлемнің 89 елінің деректері негізінде құрылған КВИ бойынша жоғары деңгейдегі Еуропалық сарапшылар тобының деректеріне сәйкес, Omicron VOC Delta нұсқасына қарағанда 3-4 есе көп трансмиссивті болып табылады. Omicron штаммының алдын-алу және жұқтыру қаупін төмендетудің негізгі және тиімді әдістерінің бірі, сарапшылардың пікірінше, үш дозалы вакцинация режимі (немесе екі доза + емделген Covid инфекциясы) халықтың барлық топтары үшін вакцинацияның толық схемасы ретінде қарастырылуы керек.
Павлодар облысында 2021 жылдың ақпан айынан бастап халықты коронавирусқа қарсы иммундау жүргізілуде және бүгінгі күні бірінші компонентпен өңірдің 358 618 тұрғыны егілді, екінші компонентпен 340 234 егілді, бұл жоспарланғанның 71% - ын құрайды. Бір тәулік ішінде ковидке қарсы 745 адам екпе алды.
Павлодарлықтар үшін QazVac, Спутник V, Коронавак, Vero Cell, Vero Cell (Hayat-Vax), "Комирнати" (Пфайзер) сияқты вакциналардың түрлері қолжетімді.
Жасөспірімдер мен жүкті әйелдерге, "Комирнати" вакцинасын алатын лактация кезеңіндегі әйелдерге (Пфайзер, АҚШ) ерекше назар аударылады. Бұл контингентті вакцинациялау науқаны аймақта 2021 жылдың 19 қарашасынан басталды. Бүгінгі таңда бірінші кезеңнен 5,5 мың адам өтті, оның ішінде 3 715 жасөспірім, 186 жүкті және 1 582 бала емізетін әйелдер.
Сонымен қатар, 22 қарашадан бастап аймақта коронавирустық инфекцияға қарсы халықтың ревакцинациясы жүріп жатыр. Вакцинаның үшінші дозасын облыстың 42 мыңға жуық тұрғыны алды. Естеріңізге сала кетейік, ревакцинация - бұл вакцинаның екі компонентінен кейін алынған қосымша доза, вакцинацияның алдыңғы курстарынан кейін пайда болған вакцинадан кейінгі иммундық реакцияны қолдауға және күшейтуге арналған шара. Ревакцинация 6 айдан кейін айқаспалы жүргізіледі. Егу пункттері қаланың медициналық ұйымдарында жұмыс істейді.