Халықаралық шекаралардағы санитариялық бақылау

             Мереке алдындағы жаңа жыл күндерінде, Қазақстан Республикасының аумағына қауіпті инфекциялардың әкелінуіне жол бермеу мақсатында, мемлекеттік шекарада алыс және жақын шетелдерден келетін адамдарға санитариялық – карантиндік бақылау ерекше күшейтілді. Шекара арқылы өткізу пункттерінде санитариялық-профилактикалық және эпидемияға қарсы іс-шаралар Қазақстан Республикасының Бас мемлекеттік санитариялық дәрігерінің қолданыстағы қаулыларына сәйкес тәулік бойы жүргізіледі.

            Халықаралық әуежайларда жолаушылар, міндетті түрде, термометриядан, сауалнамадан өтеді, ПТР әдісімен Сovid−19-ға зертханалық  тексеруден өткені туралы анықтамалары және коронавирустық инфекцияға қарсы вакцинациялау паспорттарының болуына тексеру жүргізіледі. Аанықтамалар болмаған жағдайда, 7 күн ішінде үй карантиніне міндетті оқшаулау жүргізіледі.

            Жаңа жыл қарсаңында Санитариялық-эпидемиологиялық бақылау комитеті шет елдерге шығуды жоспарлап отырған азаматтарды, сондай-ақ халықаралық авиарейстермен келетін тұрғындар мен қонақтарды эпидемияға қарсы шараларды сақтауға шақырады. Атап айтқанда, өздеріңіздің хал-жағдайыңызды және жақындарыңыздың денсаулығын бақылау, коронавирустық инфекцияның белгілері болған кезде дәрігерлерге уақтылы жүгіну, адамдар көп жиналатын жерлерде қорғаныс бетперделерді кию, әлеуметтік қашықтық пен жеке гигиенаны сақтау, сондай-ақ COVID-19-ға қарсы вакцинациядан өту.