Салынған тыйымға қарамастан Шымкентте көпшілік іс-шаралар өткізілген

             Қазіргі уақытта Шымкент қаласы «жасыл» аймақта орналасқан, қаладағы эпидемиологиялық жағдай тұрақты, коронавирустық инфекциямен ауыру жағдайларының аз тіркелгені байқалады.

            Қазіргі уақытта қолданыстағы Шымкент қаласының Бас мемлекеттік санитариялық дәрігерінің 26.10.2021 жылғы №33 қаулысының талаптарына сәйкес салтанатты, естелік, отбасылық (банкеттер, үйлену тойлары, мерейтойлар) іс-шараларын өткізу үшін қызметкерлер мен келушілердің «жасыл мәртебесі» болған және 50% - ға дейін, бірақ 100 орыннан аспайтын толтырылған жағдайда, банкет залдары «Ashyq» жобасына қатысқан жағдайда жұмыс режимі шектелмей жұмыс істеуге рұқсат етіледі.

           Басқа жағдайларда банкеттер мен басқа да салтанатты іс-шараларды өткізуге тыйым салынады.

           Салтанатты, естелік, отбасылық (банкеттер, үйлену тойларын, мерейтойлар) іс-шараларды өткізу кезіндегі шектеулерге қарамастан, Шымкент қаласының Бас мемлекеттік санитариялық дәрігерінің қаулысының талаптарын бұзатын объектілер бар (объектінің қызметкерлері бетперделер режимін және іс-шараға қатысушылар санының лимитің бұзған), атап айтқанда:

- 11.12.2021 ж. Қаратау ауданы, «Сайрам» елді мекенінде орналасқан «Наурыз» тойханасы;

- 18.12.2021 ж. Қаратау ауданы, «Сайрам» елді мекенінде орналасқан «Жастар» тойханасы;

- 19.12.2021 ж. Қаратау ауданы, Бәйдібек би көшесінде орналасқан «Алатау» тойханасы;

- 19.12.2021 ж. Еңбекші ауданы, Ерімбетов көшесінде орналасқан «Дәстүр» тойханасы.

         Анықталған құқық бұзушылықтар бойынша кінәлі тұлғаларды әкімшілік жауапкершілікке тарту мәселесі қарастырылуда.

         Шымкент қаласының «жасыл» аймақта тұрақты болуына қарамастан, босансуға болмайды, санитарлық-эпидемиологиялық және карантиндік шаралар сақталмаған жағдайда жағдай кез келген уақытта нашар жаққа өзгеруі мүмкін.