Қарағанды облысы COVID-19 бойынша "жасыл" аймақта, бірақ босаңсуға болмайды!

             Қарағанды облысы эпидемиологиялық жағдайды бағалау матрицасына сәйкес "жасыл" аймақта орналасқан. Пандемия басталғаннан бері ағымдағы жылдың 20 желтоқсанына сәйкес облыста коронавирустық инфекцияның 109 076 жағдайы тіркелді. Өткен тәулікте коронавирустық инфекцияның 80 жаңа жағдайы тіркелді. Облыс бойынша репродуктивті сан бірліктен аспайды және 0,942 құрайды.

            100 мың тұрғынға шаққанда сырқаттанушылық көрсеткіші – 7655,1 құрады, оның ішінде симптомдары бар науқастар – 80,4%, симптомсыз вирус тасымалдаушылар – 19,6%.

             Орташа облыстық көрсеткіштен жоғары, коронавирустық инфекциямен сырқаттанушылықтың статистикасы Қарағанды, Теміртау, Саран, Шахтинск, Балқаш қалаларында және Абай ауданында байқалады.

             Жұқтырғандардың жас құрылымында барлық тіркелген жағдайлардың 50 жастан асқан адамдар арасында (52,6%) сырқаттанғандар санының өсуі байқалады, олардың көпшілігі екпе алмаған адамдар.  Жас шамасы 30-49 жастан асқан адамдарға 34,4% келеді, балалар мен жасөспірімдер 13% -ды құрады.

             Ағымдағы айда эпидемиологиялық мониторингке сәйкес қарашаның ұқсас кезеңімен салыстырғанда сырқаттанушылықтың 20% - ға төмендегені байқалады.

            Облыста 18 жастан асқан 897 340 адам вакцинациялауға жатады. 20 желтоқсандағы жағдай бойынша 592 587 немесе 66% бірінші компонентпен егілді, 549 345 адам немесе 61,2% вакцинация курсын аяқтады.

            20 желтоқсанда облыста "Комирнати" вакцинасымен (Pfizer/BioNTech компаниясы шығарған) 10 316 адам егілді, оның ішінде жүкті әйелдер – 367, бала емізетін әйелдер – 1645, жасөспірімдер –  8304.