Нұр-Сұлтанда ЖРВИ-мен ауыратын науқастар санының өсуі байқалады

                Эпидемиялық маусым басталғаннан бері ЖРВИ ауруының 44 392 жағдайы тіркелді, оның ішінде А типті тұмаудың 32 жағдайы (оның ішінде H3N2 типті тұмаудың айналымы - 28 анықталды, жазылмайтын түрі - 4), сырқаттанушылық көрсеткіші 100 мың тұрғынға шаққанда 3748, бұл өткен жылдың ұқсас кезеңінің (яғни, 1.10.2020 ж. бастап 1.12.2020 ж. дейін) көрсеткішінен 6,4 есе жоғары.

              14 жасқа дейінгі балалар инфекцияға көбірек бейім болып қала бермек, олар барлық аурушаңдықтың 60,8% - ын құрайды. 1 жасқа дейінгі ауырған балалардың үлесі 6% - ды, жүкті әйелдердің үлесі 3,3% - ды құрайды. Ұйымдастырылған ұжымдардағы балалар арасында ЖРВИ-мен аурушаңдықтың өсуі байқалуда. Жалпы аурушаңдықтың 27,8% - ын оқушылар және 16,2% - ын мектепке дейінгі балалар мекемелеріне баратын балалар, студенттер -7% құрайды.

               Ағымдағы эпидемиялық маусымда қаланың 170 мыңнан астам тұрғыны вакцинациямен қамтылды, оның ішінде жергілікті бюджет есебінен 160 мың адам егілді. Қазіргі уақытта төрт медициналық ұйымда ("Open clinik" МО, "Интертич Астана медициналық Ассистанс" МО, "Medical Аssistance Group" МО, "Архимедес Қазақстан-Астана" МО) "Гриппол плюс" (Ресей) және "Инфлювак" (Нидерланды) инактивтендірілген вакцинамен ақылы негізде алуға болатын егу кабинеттері жұмысын жалғастыруда.

               Тұмаудан ең жақсы қорғаныс- иммундау, сондықтан алдын-алу мақсатында сізді вакцинациялауға шақырамыз. Сондай-ақ, келесі шараларды сақтауды ұсынамыз:

- адамдар көп жиналатын жерлерде және қоғамдық көлікте болу уақытын шектеу;

- адамдар көп жиналатын жерлерде маска киіңіз;

- аурудың белгілері бар адамдармен тығыз байланыста болудан аулақ болыңыз;

- қолды сабынмен жуу, құрамында спирт бар, дезинфекциялық майлықтармен өңдеу;

- әлеуметтік қашықтықты сақтау;

- мұрын қуысын тұзды ерітіндімен ылғалдандырыңыз немесе көшеден кейін тұзды ерітіндімен шайыңыз, оксалин жақпа майын және дәрумендерді қолданыңыз.

                 Егер сіз ауырып қалсаңыз, асқынулардың алдын алу үшін уақтылы медициналық көмекке жүгініңіз және инфекцияның өзгелерге және жақын адамдарға таралуын тоқтату үшін барлық сақтық шараларын қолданыңыз!