Үй карантинін бұзғандар 10 млн теңгеге жуық айыппұл төледі

              Түркістан облысында   «Ashyq»  бағдарламасы 2021 жылдың маусым айынан қолданысқа енгізіле бастады. Қазіргі уақытта 9494 кәсіпкерлік нысандар жүйені пайдалану үстінде.

                «Ashyq» бағдарламасының негізгі мақсаттарының бірі - карантин кездерінде   кәсіпкерлік оъектілердің  қызмет көрсетуіне жол ашу және оқшаулау режиміндегі азаматтарды қоғамдық орындарға жібермеу. Себебі, науқастар 14 күндік үй карантин режимін бұзып, айналасына Covid-19 инфекциясының таралу  қауіпін тудырады.   «Ashyq»  бағдарламасының эпидемиологиялық жағдайды тұрақтандыруға  қосар ықпалы орасан.        

                Деректерге сәйкес, Түркістан облысында  10- маусымнан бастап бүгінгі күнге  дейін оқшаулау режимін бұзудың  жалпы 704 фактісі тіркелді. Бір емес бірнеше  рет оқшаулау режимін 869 азаматтың бұзғандығы тіркелді. Оның 349-ы  «қызыл» мәртебедегі, 355-і «сары» мәртебедегі  үй карантині  талаптарын елемегендер.   «Қызыл» статустағы азаматтарға  әкімшілік құқық бұзушылық туралы Кодексінің 425-бабы 1-бөлігі бойынша 227 жеке тұлғаға хаттама толтырылып,  9 976 120 тенге айыппұл салынды.   

                Түркістан облысында сондай-ақ эпидемиологиялық жағдайды одан әрі тұрақтандыру бойынша ҚР БМСД қаулыларына сәйкес жұмыстар жүргізілуде.