Елордада 420 мыңнан астам адам вакцинацияның толық курсынан өтті

             Коронавирустық инфекцияға қарсы екпе алғысы келетіндерді қаланың 31 медициналық және ведомстволық ұйымдарында орналасқан 72 егу кабинетінде, 4 сауда үйі мен орталықтарында (Азия Парк, Абу Даби Плаза, Керуен, Еуразия) және "Нұрлы жол" теміржол вокзалында жүргізіледі.

            Халықты коронавирустық инфекцияға қарсы вакцинациялаумен қамтуды ұлғайту үшін емханалар жанындағы егу кабинеттері жұмыс күндері мен қоса сенбі күндері, ал сауда үйлері мен орталықтарда демалыс күндері де жұмыс істейтін болады.

            Қаланың егу кабинеттерінде инактивті вакциналар отандық КазВак (QazCovid-in) және қытайлық КоронаВак (Синовак), Vero Cell (Синофарм), сондай-ақ ресейлік векторлық вакцина Спутник (Гам-Ковид-Вак) бар.

             Елорда тұрғындарын вакцинациялауға тарту мақсатында қала әкімдігі түрлі ұтыс ойындарын, құнды сыйлықтарды өткізуге бастамашылық жасауда. Қабылданып жатқан шаралардың нәтижесінде айына тиісті тұрғындар арасында вакцинациямен қамту 7,3% - дан 15,6% - ға дейін жетті, орташа есеппен тәулігіне 5000-7500 адам егілді.

             Бүгінгі күні елордаға жататын (ересек) халықтың 64% - ы немесе 455 932 адам бірінші компонентпен қамтылған, 59,1% - ы немесе 420 806 адам вакцинациялаудың толық курсын өтті.

             Осы уақытта елордаға 35 100 доза мөлшерінде Pfizer вакцинасының алғашқы партиясы жеткізілді. Естеріңізге сала кетейік, жүктілік мерзімі 16 - дан 37 аптаға дейінгі болашақ аналар, лактация кезіндегі әйелдер-босанғаннан кейінгі кезең аяқталғаннан кейін (42 күннен кейін) және 12-ден 17 жасқа дейінгі жасөспірімдер коронавирусқа қарсы вакцина ала алады.