Вакцинацияның жоғары қарқыны ұйымдастырылған жерде эпидемиологиялық жағдай тұрақты

              Шымкент қаласы бойынша 2021 жылдың 1 қаңтар мен 24 қазан аралығында COVID-19  инфекциясымен 35 663 жағдай тіркелді, оның ішінде симптоммен - 27 548, симптомсыз - 8 115. 18 жасқа дейінгі балалар арасында 6 884 жағдай тіркелген. 

              Соңғы тәуілікте COVID-19  инфекциясымен 21 жағдай тіркелді, оның ішінде 18 жасқа дейінгі балалар арасында 4 жағдай.

              СЭҚД жұмысын талдау кезінде анықталғаны, өткен айлармен салыстырғанда эпидемиялогиялық жағдайдың тұрақтанғаны байқалады. Аурушаңдық 33553 ошақтарда тіркеліп отыр, оның ішінде ұйымдастырылған ұжымдарда – 1 631. Тіркелген ошақтарда 80562  қарым-қатынастағылар COVID-19 - ға зертханалық тексерілген, оның ішінде 7907 оң нәтижемен анықталып, 9,8% құрады. 

              Қаладағы эпидемиологиялық жағдайдың тұрақтануына белгілі бір дәрежеде тұрғындар арасындағы санитариялық-ағарту жұмыстары және вакцинацияның жоғары қарқыны әсер етті. Бүгінгі таңда Шымкентте егілуге жататын халықтың  91,1% қамтылған. Бір тәулік ішінде 1581  адам вакцина алды, оның ішінде I компонентпен - 454, II компонентпен – 1 127. Егу науқаны басталғалы барлығы 542 857 адам екпе қабылдады,оның ішінде 500 473 вакцинаның екі компонентін алғандар.

              Тұрғындарды вакцинациялауды ұйымдастыру үшін Шымкент қаласында барлық мемлекеттік жекеменшік емханаларда сағат 08:00-ден 20:00-ге дейін жұмыс істейтін 45 егу бекеті  бар.  Одан бөлек, 25 жылжымалы егу бекеті жұмыс істеуде. Егу жұмыстары демалыс күндері де жүргізіледі.