Қарағанды облысының мектептерінде коронавирустық инфекция жағдайлары тіркелуде

             "2021-2022 оқу жылында білім беру ұйымдарында коронавирустық инфекцияның алдын алу бойынша санитариялық-эпидемияға қарсы және санитариялық-профилактикалық іс-шараларды жүргізу туралы" ҚР Бас мемлекеттік санитариялық дәрігерінің 2021 жылғы 25 тамыздағы № 36 қаулысына сәйкес барлық меншік нысанындағы және ведомстволық тиесілілік білім беру ұйымдарында оқыту штаттық форматта жүргізіледі. Шектеу іс-шараларын енгізу кезеңінде мектептердің, колледждердің және жоғары оқу орындарының, интернаттар мен жатақханалардың жұмысына қойылатын талаптар қатаң сақталған жағдайда ғана екенін атап өту қажет.

            1 қыркүйектен бастап COVID-19 оқиғалары 144 мектепте тіркелді, 450 оқушы мен 31 мұғалім ауырып қалды. Бүгінгі таңда мектептерде қашықтықтан оқытуға 400-ден астам сынып көшірілді, карантинге жабылған мекемелер жоқ. ҚР БМСД  № 36 қаулысының 3-тармағының 1) тармақшасына сәйкес білім беру ұйымдарында карантин енгізуге сараланған тәсіл түрінде жүзеге асырылады.

            Аумақтық санитариялық-эпидемиологиялық бақылау басқармалары сырқаттанушылықты тіркеудің әрбір жағдайы бойынша эпидемияға қарсы іс-шаралар жүргізеді: жақын байланыста болғандар тобы белгіленеді, барлығы үй карантиніне жіберіледі, медициналық бақылауда болады, мектептерде қорытынды дезинфекция жүргізіледі.

           Қарағанды облысының санитариялық-эпидемиологиялық бақылау департаменті облыстық білім және денсаулық сақтау басқармаларымен бірлесіп, білім беру ұйымдарында коронавирустық инфекцияны тіркеу және санитариялық-эпидемияға қарсы профилактикалық іс-шараларды жүргізу кезінде өзара ақпарат және өзара іс-қимыл туралы бұйрық шығарды. Осы бұйрыққа сәйкес аумақтық СЭББ  және білім бөлімдерінің мамандары бас мемлекеттік санитариялық дәрігердің қаулыларына сәйкес талаптардың сақталуына көшпелі мониторинг жүргізеді.