Павлодар облысында КВИ таралуы ушығып отыр

    Соңғы тәулік ішінде Павлодар облысында коронавирусты жұқтырудың  388  жағдайы тіркелді. Вирус жұқтырғандардың басым бөлігі облыстық маңыздағы қала тұрғындары. Бір тәулік ішінде Павлодар қаласында - 197,  Екібастұзда – 94 жағдай анықталып отыр. Сырқаттанғандардың 0,84%-ы немесе 293 тұрғын, вирусты өзге өңірден жұқтырып әкелген.

     Соңғы екі аптадағы COVID-19 көрсеткішінің өсімі  2 - 8 тамыз  аралығында – 6,7 %,  9 тамыздан  15 тамызға дейін    6,5  %-ды құраған. Эпидемиологтардың  мәліметі бойынша соңғы 7 күнде аралығында  өңірде  COVID-19 –дың 2319  жағдайы, ал алдыңғы аптада 5-11 тамыз аралығында  2073   жағдай тіркелген.

     Жалпы Павлодар  облысында коронавирус жұқтырудың 36 288  жағдайы тіркелді. Оның ішінде 28 086 науқас аурудың симптомды түріне шалдықса, 8142 тұрғында симптомсыз COVID-19 анықталды. КВИ жұқтырғандардың 55, 7 %-ы Павлодар қаласының тұрғындары.

     Індеттің 26474  ошағы тіркелді. Бұл 100 мың тұрғынға  шаққанда  4816,4-ке тең. 10 277 тұрғын (28,5%) науқастанған адаммен байланысқа түсіп, соның салдарынан ауру жұқтырған. 22 718 жағдайда (62,5%)  азаматтар медициналық ұйымдарға өздігінен жүгінсе, 2940 жағдай (8,07 %) профилактикалық тексеру барысында анықталды.

     Облыстың вирусологиялық зертханалары жалпы саны 642 006 ПТР - тест өткізген, оның ішінде соңғы  тәулікте 2 991  тест жасалды.