Қазақстанның шекаралық аймақтарында ерекше санитариялық бақылау қажет

      Солтүстік Қазақстан облысында шет елдерден келген адамдардың арасында КВИ жағдайларының белсенді тіркелуі байқалады. Вирус жұқтыру негізінен Ресей Федерациясынан келген адамдар арасында тіркелуде. Мәселен, 2021 жылғы 9 тамызда Ресей Федерациясымен шекаралас автомобиль жолдарындағы бақылау бекеттері арқылы 973 адам өткен (Жаңа жол бекеті арқылы - 423 адам, Қарақоға бекеті арқылы - 434 адам, Бидайық бекеті арқылы - 116 адам), жаяу жолаушылардың 729-ында ПТР-талдаудың теріс нәтижесі көрсетілген анықтамасы болған. Анықтамасыз келген 8 Қазақстан азаматы карантиндік стационарларға орналастырылып, ПТР-талдау әдісімен COVID-19-ға сынама алынды. 1 шетел азаматына республика аумағына кіруге тыйым салынды, себебі Қазақстан Республикасының мемлекеттік шекарасын кесіп өткен сәтте мерзімі 72 сағаттан аспаған ПТР әдісімен COVID-19-ға тестілеуден өткені туралы анықтамасы болмаған.

     2020 жылғы 6 қазан мен 2021 жылғы 9 тамыз аралығында Ресей Федерациясымен шекаралас автомобиль жолдарындағы ҰҚК-нің шекаралық бақылау бекеттері арқылы 212 779 адам өтті. Оның ішінде жаяу жолаушы – 104 475 адамда ПТР-тестілеудің теріс нәтижесі көрсетілген анықтамалары болған. 5016 ҚР азаматы ел аумағына анықтамасыз келді және COVID-19-ға зертханалық тексеру үшін карантиндік стационарларға орналастырылды. COVID-19-ға оң нәтижелі 313 адам анықталды, оның ішінде 39 адам инфекциялық стационарға орналастырылды және 274 адам амбулаториялық емдеуге жіберілді. Сонымен қатар, 1081 шетелдік азаматқа COVID-19-ға ПТР тестілеу туралы анықтамасының болмауына байланысты елге кіруге тыйым салынды. Шет елдерден COVID-19-ға қарсы вакцинациялаудың толық курсынан өткен 6385 ҚР азаматы отанына қайта оралды. Оның ішінде 4671 – жаяу жолаушы және 1714-жүк тасымалдаушылар бар.