Шығыс-Қазақстан облысында кене энцефалитіне қарсы иммуноглобулинді 2,5 мыңға жуық адам алды
17 маусымдағы жағдай бойынша облыстың эндемиялық аумақтарында кене шағумен барлығы 2687 адам жүгінген, оның ішінде 14 жасқа дейінгі балалар саны – 858, яғни кене шағудан зардап шеккендердің 32%-ын құрап отыр.
2021 жылдың эпидемиялық маусымы басталғаннан бері Риддер, Өскемен қалаларының аумақтарында кене энцефалитінің 2 расталған жағдайы, Өскемен қаласында иксодты кене боррелиозының (Лайм ауруы) 2 жағдайы тіркелген.
Алдын алу мақсатында кене энцефалитіне қарсы иммуноглобулинді кене шағудан зардап шеккен 2417 адам алды.
Шығыс Қазақстан облысы бойынша кене энцефалитінің табиғи ошағы – Глубокое, Зайсан, Зырян, Катонқарағай, Көкпекті (Самар аумағы ), Ұлан, Шемонайха аудандары мен Риддер, Өскемен қалаларының маңайлары екенін айта кеткен жөн.
Өңірдің санитариялық-эпидемиологиялық бақылау департаменті кене энцефалитінен қорғанудың ең тиімді жолы кененің қан соруға жол бермеуі болып табылатынын еске салады, ол үшін жеке қорғанудың қарапайым шараларын сақтау қажет: кенелердің киім астына кіруін шектейтін қорғаныш киімін кию, репелленттерді (үркітетін құралдарды) қолдану, 1-1,5 сағат сайын өзін және өзара тексеру жүргізу.