Павлодар облысында карантин бір аптаға ұзартылды

Бас мемлекеттік санитарлық дәрігердің бұған дейінгі 2021 жылғы 17 қаңтарда  және  23 қаңтарда қабылданған №1 және №2 Қаулыларының күші (өзгерістер мен толықтырулармен) Павлодар облысында бір аптаға 8 ақпаннан 15 ақпанға дейін ұзартылды.

Бұл шешім аймақтың қызыл аймақта болуына байланысты қабылданды. Соңғы күндері  аурудың күнделікті жағдайларын тіркеуде аздап төмендеу ағыны байқалады, алайда эпидемиологтар эпидемиологиялық жағдайдың жай-күйін тұрақты-күрделі деп бағалайды, күнделікті КВИ тіркелуінің  төмендеуімен.  Егер соңғы жеті күнде 29 қаңтардан 4 қаңтарға дейін COVID-19 ауруының 1693 жағдайы тіркелсе, онда алдыңғы аптада, 22-28 қаңтар аралығында облыста коронавирусты жұқтырудың 1 596 жағдайы тіркелді.  2021 жылдың 5 ақпанындағы таңғы 9-дағы  жағдай бойынша облыста тәулігіне 225 КВИ  жағдайы тіркелді.

БМСД 2021 жылғы 5 ақпандағы №3 Қаулысына сәйкес, демалыс күндері локдаун сақталған; шектеу шаралары режимінің орындалуы, оның ішінде бетперде режимінің сақталуы  және әлеуметтік арақашықтықты, әлеуметтік маңызы бар объектілердің жұмыс кестесінің сақталуы ерекше бақылауда. Сондай-ақ, облысаралық, облысішілік, қалааралық ауданаралық автобус, шағынавтобуста жолаушылар тасымалдау қызметіне тыйым сақталынуда. Барлық сауда объектілерінде, қоғамдық көліктерде, таксилерде, өндірістік алаңдарда, дәліздерде, лифт кабиналарында және ұйымдарда санитарлық-дезинфекциялық өңдеу жүргізу шаралары күшейтілуде.  65 жастан асқан адамдардың жүріп-тұруына шектеу (қажеттілік жағдайларын қоспағанда), үйдегі медициналық қадағалауға бақылауды күшейту және үй карантині талаптарының сақталуы ұзартылды. Сонымен қатар, бөлімшелік қызмет жұмысының бағыты жасырын отбасылық, ұжымдық іс-шараларды анықтауға бағытталады.

№3 Қаулы  Павлодар облысының аумағында 2021 жылғы 8 ақпанда сағат 00:00-ден бастап күшіне енеді.