Түркістан облысында жаңа жылдың алғашқы аптасында карантин режимін бұзушыларға 4 млн. теңгеден астам айыппұл салынды.

Түркістан облысында коронавирус инфекциясы таралуының алдын алу мақсатында 2021 жылғы 1-7 қаңтар аралығында республикалық, облыстық Бас мемлекеттік санитариялық дәрігерінің қаулыларында көрсетілген шектеу шараларын тексеріп, мониторингілеу жұмыстарын жүргізу үшін облыстық әкімдік жанынан 104  мобильді топ құрылған.

Мобильдік топ құрамында: әкімдік қызметкерлері, кәсіпкерлік палатасы, полиция басқармасы және еріктілер бар.

Мобильді топтармен 1-7 қаңтар аралығында  жүргізілген мониторингтік жұмыстарының нәтижесі бойынша 612  нысан тексеріліп, 83  айыппұл салынды. Оның ішінде ҚР ӘҚБт Кодексінің 425 бабының 1-тармағымен 82-жеке тұлғаға 30 АЕК көлемінде (3 587 910т),         1 жеке кәсіпкерге 230 АЕК (335 455 т) айыппұл салынып, хаттамалар  толтырылған. Салынған айыппұлдардың жалпы сомасы  3 923 365  теңгені құрайды.

ҚР Әкімшілік құқық бұзушылық туралы Кодекске сәйкес, егер алғашқы 7  күн ішінде айыппұлды өтейтін  болса 50 пайыз жеңілдік жасалынады.