Пиротехникалық бұйымдарды пайдалану кезінде нені есте сақтау керек?

Жаңа жыл мерекесінің қарсаңында қала базарлары мен сауда нысандарында көптеген бенгал оттары, түтіндету құтысы, петарда, фейерверк және басқа да пиротехникалық бұйымдардың сатылуы көбейеді.

Халықтың санитариялық-эпидемиологиялық салауаттылығын қамтамасыз ету мақсатында Ақтөбе облысы санитариялық-эпидемиологиялық бақылау департаменті келесі шараларды ұсынады:

- сауда нысандарынан жарамдылық мерзімі өткен, бұзылу белгілері бар және қолдану нұсқамасы жоқ пиротехникалық бұйымдарын сатып алмауды;

- қолдану алдында өндіруші нұсқамасымен мұқият танысуды;

- білте жағу алдында бұйымның қай бөлігінен шоқтардың шығатынын анықтап алуды. Фейерферктерді көрермендерге қаратуға болмайды;

- фейерверктерді жандыру алдында ағаш, электр тарату желісі өтпейтін және басқа да бөгеттері жоқ ашық, түзу алаңдарды таңдауды. Сонымен қатар, пиротехникаың тұрғын үйлерден кемінде 50 м қашықтықта орналасуы қажет;

- жанып жатқан петардаларды адам және жануарларға лақтырмауды, оларды қолда ұстамауды;

- балаларға петардалар жағуға тыйым салуды;

- ешбір жағдайда пиротехника алдында еңкеймеуді;

- петарда жанбай қалған жағдайда оны тексермеуді немесе қайта жақпауды.

Сонымен қатар, пиротехникалық бұйымдарды сатушы заңды және жеке тұлғаларда Кеден Одағының талаптарына сәйкестік жөніндегі декларациясы болуы қажет.