Маңғыстау облысында пандемия басталғалы 851 карантиндік шектеу бұзушылығы анықталды

Елімізде пандемия басталғанынан бері,  24 бақылау тобы карантиндік талаптардың 851 бұзушылық анықтады. Олардың көпшілігі ұжымдық іс-шаралар ұйымдастырумен байланысты.

Мониторинг тобы 934 рейд жүргізіп, 3154 объектіне тексеріс жүргізді. Рейд барысында 153 объектте карантин талаптарын бұзушылықтар анықталды, 136 әкімшілік хаттамалары толтырылды: 24 жеке кәсіпкерлер, 111 жеке тұлғалар, 1 заңды тұлғалар. Карантиндік талаптарды бұзудың барлық анықталған фактілері үшін жалпы сомасы 12 612 120 теңге әкімшілік айыппұлдар салынды.

Карантиндік бұзушылықтардың басым бөлігі Ақтау қаласының үлесіне келіп отыр - осында 57 айыппұл салынды.

Мысалы, мониторинг тобы ағымдағы жылдың 20 желтоқсанында Ақтау қаласында орналасқан «Портал» компьютерлік клубында карантиндік іс-шаралардың бұзушылықтарын анықтады. Маңғыстау облысының Бас мемлекеттік санитариялық дәрігерінің 15.12.2020 жылғы № 43 қаулысына сәйкес, компьютер клубтарының қызметтері тоқтатылған. Анықталған карантиндік талаптарды бұзу фактісі бойынша жеке тұлғаға жалпы сомасы 41 670 теңге әкімшілік айыппұл салынды.