Компьютердің балалар денсаулығына әсері
Еліміздегі эпидемиологиялық жағдайға байланысты мектеп оқушылары online» және «offline» режимде оқиды.
Бүгінгі күні Ақтөбе облысы бойынша 66 176 оқушы онлайн режимде, ал 140 453 оқушы қашықтан оқу форматында білім алуда.
Үздіксіз компьютер алдында отыру – бала денсаулығына кері әсер етуі мүмкін. Сондықтан да мамандардың кеңесіне құлақ асқан жөн. Мектепалды сыныптарда және мектептерде тікелей бейнетерминалмен, дербес компьютермен, планшетті дербес компьютермен және ноутбуктермен сабақтардың үздіксіз ұзақтығы оқу сағаты ішінде мыналарды құрауы тиіс:
- мектепалды, мектепке дейінгі топтарда / сыныптарда және 1 сыныптарда - 15 минуттан аспайды;
- 2-3 сыныптарда - 20 минуттан аспайды;
- 4-5-сыныптарда - 25 минуттан аспайды;
- 6-8 сыныптарда - 25 минуттан аспайды;
- 9-11(12) сыныптарда - 30 минуттан аспайды.
Компьютерлермен және ноутбуктермен тікелей жұмыс істеу ұзақтығы 2 сағаттан аспауы қажет.
Компьютерлік технологияның әсерінен көптеген жағымсыз салдарлар болады. Компьютер мониторларының алдында ұзақ уақыт болу көру қабілетінің нашарлауына әкеледі, жиі бас ауру, көздің қызаруы мен құрғауы, ашуланшақтық пен жүйке жүйесінің әлсіреуі, дене бітімінің өзгеруі, омыртқаның қисаюы пайда болады.
Компьютердің бала денсаулығына теріс әсерін ескере отырып, мамандар кейбір сақтық шараларын сақтау ұсынылады:
- Баланың жұмыс орнын дұрыс ұйымдастырыңыз. Компьютер креслолары мен үстел баланың бойына сәйкес келуі керек. Орындықтың арқалығы болуы керек, ал көзден мониторға дейінгі қашықтық кемінде 70 сантиметр болуы қажет.
- Міндетті түрде әр 20-25 минут сайын көзге арналған жаттығулар және үзіліс кезінде 45 минуттан кейін дене шынықтыру үзілісін жасаңыз.
- Баланың компьютерде бақылаусыз уақыт отыруына жол бермеңіз – бұл оның денсаулығына эмоционалды да, психикалық жағынан да жағымсыз әсер етуі мүмкін.
Бала денсаулығы – басты назарда екенін ұмытпайық!