Санитариялық-эпидемиологиялық қызмет жұмыскерлері күні қарсаңында саланың тарихындағы айтулы даталарға арналған жарияланымдар топтамасын бастаймыз.
Биыл Қазақстан Республикасы Тәуелсіздігінің 35 жылдығы аталып өтетін жылы отандық санитариялық-эпидемиологиялық қызметтің тарихы туралы әңгімемізді жалғастырамыз.
Өткен жылы Қазақстанның санитариялық-эпидемиологиялық қызметінің қалыптасуы мен даму тарихына, оның негізгі кезеңдері мен жетістіктеріне, сондай-ақ осы жүйенің бастауында тұрған азаматтарға ерекше назар аудардық.
Биыл сала тарихының маңызды беттеріне тоқталып, екі айтулы датаға назар аударамыз: Ұлттық сараптама орталығының санитариялық-бактериологиялық зертханасының құрылғанына 105 жыл және Қазақстанның көрнекті ғалымы, эпидемиолог Масғұт Айқымбайұлы Айқымбаевтың туғанына 110 жыл.
Жарияланымдар топтамасы аясында зертханалық қызметтің қалыптасу тарихы, микробиологиялық зерттеулердің дамуы, сондай-ақ ондаған жылдар бұрын қаланған ғылыми және кәсіби негіздердің бүгінгі күні қалай жалғасын тауып, дамып келе жатқаны туралы баяндаймыз.