Бүгін Комитетте халықтың санитариялық-эпидемиологиялық саламаттылығын кәсіби қамтамасыз ету саласындағы Ұлттық өзін-өзі реттейтін ұйыммен (ӨӨҰ) қызмет нәтижелерін тану туралы келісімге қол қойылды. Құжат пилоттық режимде Комитет төрағасы Сархат Бейсенова мен Ұлттық ӨӨҰ басшысы Кенжебек Шайсұлтанов тарапынан бекітілді.
Аталған келісім Қазақстан Республикасының Кәсіпкерлік кодексі мен «Өзін-өзі реттеу туралы» Заңының нормаларын іске асыру шеңберінде өзін-өзі реттеу тетігін апробациялауға бағытталған. Келісімнің негізгі мақсаты — адал кәсіпкерлік субъектілеріне түсетін әкімшілік жүктемені азайту, сондай-ақ мемлекеттік санитариялық-эпидемиологиялық бақылаудың тиімділігін арттыру.
Келісімді іске асыру «Санитариялық-эпидемиологиялық қадағалау» ақпараттық жүйесін, оның ішінде өзін-өзі реттейтін ұйымдар модулін енгізу және толыққанды жұмыс істеуін қамтамасыз ету ескеріле отырып, кезең-кезеңімен жүзеге асырылатын болады.