Алматыда жыл сайын 1 желтоқсанда атап өтілетін ЖИТС-пен күресудің Дүниежүзілік күніне орай ұйымдастырылған ақпараттық кампания аясында халықаралық ғылыми-тәжірибелік конференция өтті. Биылғы іс-шаралар «Қиындықтардан – АИТВ-ға қарсы әрекеттегі өзгерістерге» ұранымен өткізілді.
Конференция АИТВ-инфекциясының және дерматовенерологиялық аурулардың алдын алудағы заманауи тәсілдерді дамыту мен жетілдіруде маңызды қадам болды. Оған Комитет өкілдері, мемлекеттік және үкіметтік емес ұйымдар, сондай-ақ ДДСҰ, UNAIDS, CDC және ЖИТС, туберкулез және безгекпен күрес жөніндегі ғаламдық қор сияқты халықаралық құрылымдардың өкілдері қатысты.
Іс-шара АИТВ-ның алдын алу саласындағы тәжірибе мен озық практикалар алмасуға тиімді алаңға айналды. Қатысушылар тестілеу мен емдеудің инновациялық әдістерін, профилактикалық бағдарламаларда әлеуметтік маркетинг құралдарын қолдануды талқылап, осы саладағы соңғы зерттеулердің нәтижелерін ұсынды.
Ерте кезеңде АИТВ-инфекциясын анықтау мәселесіне ерекше назар аударылды, себебі ол профилактика мен емдеудің тиімділігін арттырудағы негізгі басымдық болып табылады.