Комитетте аумақтық бөлімшелердің қатысуымен ақпараттық қауіпсіздік саласындағы заңнаманың талаптарын, сондай-ақ сыбайлас жемқорлыққа қарсы іс-қимыл мәселелерін түсіндіруге арналған бейнеконференция форматындағы семинар өткізілді.
Семинар барысында 10 айдағы жұмыс қорытындысы шығарылып, сыбайлас жемқорлық көріністерінің алдын алу жөніндегі іс-шаралар жоспарының іске асырылуына қатаң бақылауды қамтамасыз етудің, сондай-ақ сыбайлас жемқорлық тәуекелдерін ішкі талдау нәтижелері бойынша анықталған кемшіліктерді жоюдың маңыздылығы атап өтілді.
Ақпараттық қауіпсіздік және дербес деректерді қорғау саласындағы заңнаманы сақтау мәселелеріне ерекше назар аударылды. Аумақтық департаменттерде азаматтардың өтініштерін қарау және өңдеу кезінде «Дербес деректер және оларды қорғау туралы" ҚР Заңының талаптарын мүлтіксіз сақтау қажеттігі атап өтілді.
Семинар қорытындысы бойынша Комитеттің аумақтық бөлімшелеріне ақпараттық қауіпсіздікті қамтамасыз ету және сыбайлас жемқорлыққа қарсы іс-шараларды орындау бөлігінде жұмыстың тиімділігін арттыруға бағытталған нақты тапсырмалар берілді.