Қазақстан Республикасының Денсаулық сақтау министрлігі жіті респираторлық вирустық инфекциялар, тұмау және олардың асқынулары (пневмония) эпидемиологиялық қадағалауды жетілдіру үшін «Жіті респираторлық вирустық инфекциялар, тұмау және олардың асқынулары (пневмония), менингококк инфекциясы, COVID-19 коронавирустық инфекциясы, желшешек, скарлатина кезінде санитариялық-эпидемияға қарсы, санитариялық-профилактикалық іс-шараларды ұйымдастыруға және жүргізуге қойылатын санитариялық-эпидемиологиялық талаптар» санитариялық қағидаларын бекіту туралы» Қазақстан Республикасы Денсаулық сақтау министрінің міндетін атқарушының 2021 жылғы 27 мамырдағы № ҚР ДСМ-47 бұйрығына өзгерістер мен толықтырулар енгізу туралы» бұйрық жобасын әзірледі.
Өзгерістер ДДҰ ұсынымдарына сәйкес эпидемиологиялық қадағалаудың тиімділігін арттыруға және эпидемияға қарсы шараларды дер кезінде қабылдауғабағытталған.
Құжатта:
- ЖРВИ мен тұмауға тексерілетін науқастарды іріктеу әдістемесін жетілдіру;
- биологиялық материалды зертханаға алу, тасымалдау және сақтау ережелерін нақтылау;
- білім беру ұйымдарындағы топтық сырқаттанушылық кезінде қолданылатын шараларды нақтылау;
- ауруларды неғұрлым толық мониторингтеу үшін жас топтарын және есепке алу мерзімдерін кеңейту көзделген.
Бұл шаралар сырқаттанушылықтың өуін уақытылы анықтауға және жедел эпидемияға қарсы шешімдер қабылдауға мүмкіндік береді.