«Таза Қазақстан» республикалық акциясы аясында Комитет ұжымы сенбілікке шығып, қаланың экологиялық жағдайын жақсарту мен санитариялық саламаттылығын қолдауға өз үлесін қосты.
Тазалық жұмыстары ертесімен басталды: мемлекеттік қызметшілер тиісті құрал-жабдықтарды қолдарына ұстап, жалпы қолданыстағы аумақтар мен көкалдарды жапырақтардан, қоқыстардан тазартты.
Сенбілікке қатысу қаланың санитариялық жағдайын жақсартуға үлес қосу ғана емес, сондай-ақ әлеуметтік жауапкершілікті сомдаудың үлгісіне айналды. Акция қоғам мен мемлекеттік құрылымдардың қоршаған ортаны қорғау мен тазалық мәдениетін қалыптастырудағы бірлескен ерік-жігерін танытты.
«Таза Қазақстан» акциясы жалғасуда, алдағы уақытта да қоршаған ортаны қорғау мен санитариялық саламаттылықты қолдауға бағытталған бастамалар жүзеге аса бермек.