Шымкент қаласында ҚР Денсаулық сақтау министрлігінің көшпелі алқасы шеңберінде Денсаулық сақтау бірінші вице-министрі Тимур Сұлтанғазиевтің төрағалығымен Комитет өкілдерінің және ведомстволық бағынысты ұйымдардың қатысуымен Комитет Директоратының көшпелі отырысы өтті.
Іс – шара барысында Ұлттық сараптама орталығының басқарма төрағасы Е.Қиясов Ұлттық сараптама орталығы зертханаларының қызметі - статистика, менеджмент өзекті мәселелер мен нәтижелілік туралы баяндама жасады.
Комитеті төрағасының орынбасары Н.Сәдуақасов ҰСО-ның аумақтық санитариялық-эпидемиологиялық бақылау департаменттерімен өзара іс-қимылы туралы айтып, жетістіктері мен өзекті мәселелерін атап өтті.
Өңірлік департаменттердің басшылары ҰСО филиалымен өзара іс-қимыл мәселелерін, өңірде санэпидқадағалауды жүзеге асырудың проблемалық аспектілерін атап өтті, сондай-ақ санитариялық-эпидемиологиялық жағдайды тұрақтандыру үшін қабылданған шаралар туралы баяндады. Сондай-ақ Дүниежүзілік денсаулық сақтау ұйымының "Салауатты қалалар", "Денсаулықты нығайтатын мектептер" және "Салауатты жұмыс орындары" сияқты халықаралық жобаларын енгізу тәсілдері тыңдалды.
Денсаулық сақтау бірінші вице-министрі Тимур Сұлтанғазиев санитариялық-эпидемиологиялық бақылау мен халықтың денсаулығын қорғаудың тиімділігін одан әрі арттыру үшін орталық және өңірлік құрылымдар арасындағы жұмысты үйлестірудің маңыздылығын атап өтіп, дирекцияның көшпелі отырысын қорытындылады.