«Төтенше жағдайлар кезіндегі тиімді тәуекел-коммуникация» тақырыбында дөңгелек үстел өтті. Іс-шараға ҚР ДСМ Санитариялық-эпидемиологиялық бақылау комитетінің, Қоғамдық денсаулық сақтау ұлттық орталығының, ДДҰ елдік кеңсесінің, Қазақстанның Қызыл жарты айының, UNICEF, сондай-ақ Төтенше жағдайлар және Ауыл шаруашылығы министрліктерінің өкілдері қатысты.
Тәуекел-коммуникация компоненті бойынша мониторинг, сондай-ақ дағдарыстық жағдайларда қоғамдық қатысу мәселелеріне басты назар аударылды.
Қатысушылар резонанстық мәселелерді ақпараттандыру және түсіндіру жөніндегі алдын алу шараларын, сондай-ақ табиғи және техногендік сипаттағы төтенше жағдайлар, оның ішінде денсаулық сақтау саласындағы шұғыл шараларды талқылады. Сондай-ақ, талқыланған тақырыптардың қатарында қауіп-қатерлерге тез әрекет етуге дайындықты арттыруға және мемлекеттік органдар мен қоғам арасындағы өзара іс-қимылды жақсартуға бағытталған ұсынымдар мен дағдарыстық коммуникация жөніндегі іс-қимыл жоспары да болды.
Мұндай кездесулер төтенше жағдайлардың салдарын болдырмаудың тиімді стратегияларын әзірлеуде маңызды рөл атқарады.