Астанада мемлекеттік органдардың (ДСМ, АШМ), Қоғамдық денсаулық сақтау ұлттық орталығының, ФАО, ДДҰ өкілдерінің, сондай-ақ кәсіби бірлестіктер мүшелерінің қатысуымен «Пандемияға дайындық және Орталық Азиядағы «Бірыңғай денсаулық» тәсілінің негізіндегі жауап шаралары» жобасы аясында «Қазақстанда микробқа қарсы препараттарға төзімділікті тежеу» тақырыбында дөңгелек үстел өтті.
Кездесудің маңыздылығы денсаулық сақтау, ауыл шаруашылығы және ветеринарлық бақылау арасындағы адам денсаулығына жаһандық қауіп төндіретін микробқа қарсы төзімділікке (МҚТ) қарсы күресті үйлестіруді нығайту болып табылады.
«Соңғы онжылдықта біз көптеген төзімді микроорганизмдер жағдайларының өсуін байқадық, бұл денсаулық сақтау жүйесіне айтарлықтай ауыртпалық түсірді. Төзімді штаммдардан туындаған инфекциялар асқынулары бар науқастардың ауруханада ұзағырақ болуына әкелді. Осыған байланысты біздің шараларымыз денсаулық сақтау, білім беру, ауыл шаруашылығы және қоршаған ортаны қорғау сияқты негізгі салаларды қамти отырып, үйлестірілуі тиіс.", – деп атап өтті ҚР ДСМ Санитариялық-эпидемиологиялық бақылау комитетінің өкілі Айгүл Катренова.
Сондай-ақ, дөңгелек үстел барысында ветеринариялық секторда МҚТ эпидемиологиялық қадағалаудың пилоттық бағдарламасының тұжырымдамасы әзірленіп, мониторинг үшін басым өңірлер мен негізгі патогендер айқындалды.