Сіздерді Қазақстан Республикасы Денсаулық сақтау министрлігінің атынан құттықтауға және Қырғыз Республикасы Денсаулық сақтау министрлігіне, ТМД Атқару Комитетіне іс-шараны тамаша ұйымдастырғаны, жылы қабылдауы және дәстүрлі қонақжайлылығы үшін алғыс білдіруге рұқсат етіңіздер.
Мемлекет басшысы денсаулық сақтау жүйесінің алдына халықтың қажеттіліктеріне сәйкес келетін пациентке бағдарланған денсаулық сақтау моделін қалыптастыруға бағытталған нақты ауқымды міндеттер қойды.
Ұсынылған модельде пациенттің қажеттіліктеріне басымдық беру жоспарлануда.
Қазіргі уақытта іске асырылып жатқан іс-шаралар, әзірленіп жатқан денсаулық сақтау саласындағы нормативтік құқықтық актілер мен стандарттар ең алдымен халықтың қажеттіліктеріне бағытталған.
Негізгі басым міндеттер: саланы қаржыландыруды жетілдіру, денсаулық сақтау ұйымдарының инфрақұрылымын, оның ішінде ауылдық жерлерде дамыту, онкологиялық қызметті, сондай-ақ босандыру және балалық шақ қызметін жаңғырту, денсаулық сақтауды цифрландыруды дамыту және салауатты өмір салтын насихаттауды күшейту және т. б. болып айқындалды.
Халыққа медициналық көмек көрсетудің тиімділігін арттыру үшін министрлік кешенді жұмыс жүргізуде.
Осы міндеттерді іске асыру халықтың орташа өмір сүру ұзақтығының 74,44 жасқа дейінгі өсуіне әсер етті. Бұл ретте, 2021 жылмен салыстырғанда бұл көрсеткіш 4,21 жылға (2021 ж. – 70,23 жыл) өсті.
Өлім-жітім 7,4% - ға төмендеді (оның ішінде қан айналымы жүйесінің ауруларынан 7,4% - ға, қатерлі ісіктерден 1,8% - ға, тыныс алу органдарының ауруларынан 4,9% - ға, туберкулезден 20% - ға); нәресте өлімі 10,2% - ға, ана өлімінің көрсеткіші 2022 жылғы деңгейде 11,4-ке төмендеді.
Мемлекет басшысы халықтың денсаулығын сақтаудағы негізгі құралдардың бірі ретінде ұтқырлық пен қолжетімділік жағына алғашқы медициналық көмекті ұйымдастыру тәсілдерін түбегейлі қайта қарауды қамтамасыз етуді тапсырды.
МСАК қолжетімділігін арттыру үшін амбулаториялық деңгейде қаржыландыру ұлғайтылды (Дүниежүзілік денсаулық сақтау ұйымы ұсынған 60% жалпы көлемінің 56% -. құрады); жеке медицина кеңінен тартылуда (43% - част жеке амбулаториялық-емханалық ұйымдар құрайды); жылына жан басына шаққандағы норматив 2 есеге жуық ұлғайтылды (15 мың теңгеден 27 мың теңгеге дейін).
3 жыл ішінде консультациялық-диагностикалық көмек 7 есе өсті, қымбат КТ қызметтерінің қолжетімділігі 9 есе, МРТ - 6 есе өсті.
Амбулаториялық-дәрілік қамтамасыз етудің тізбесі кеңейтілді.
Азаматтардың тілектерін ескере отырып, 9 бағыт бойынша консультациялық-диагностикалық қызметтер көрсету учаскелік дәрігердің жолдамасынсыз жүзеге асырылады. Сонымен қатар, 2022 жылы онкологиялық және гематологиялық ауруларға күдік туындаған жағдайда тексеру мен емдеуді жеделдету үшін «жасыл дәліз» енгізілгенін атап өткен жөн.
Амбулаториялық-емханалық ұйымдар қызметінің сапасы мен нәтижесі үшін жалақыға қосымша ақы түрінде көтермелеу арқылы ауруларды ерте анықтау үшін мамандарды ынталандыратын пилоттық жоба басталды. Мысалы, учаскелік дәрігер онкологиялық аурудың әрбір ерте анықталған жағдайы үшін, сондай-ақ туберкулез үшін (бұл 17250 теңгені құрайды) (2023 жылға арналған 3450 айлық есептік көрсеткіш кезінде) бірнеше айлық есептік көрсеткіш мөлшерінде жалақыға бонус ала алады.
Осы жылдан бастап біз «Ауылдық денсаулық сақтауды жаңғырту» ұлттық жобасын іске асыруды бастадық, ол ауылдағы МСАК объектілерін салу және реконструкциялаумен, оларды жарақтандырумен, ірі қалаларға, оның ішінде телемедицина және қашықтықтан медициналық қызметтер арқылы барудың қажеттілігінсіз мамандандырылған және жоғары технологиялық медициналық көмек көрсету мүмкіндігімен байланысты.
Шалғай ауылдық елді мекендердің тұрғындары үшін жылжымалы медициналық кешендердің әлеуеті кеңінен пайдаланылады (2022 жылы ауылдың 1,8 млн. тұрғыны қамтылған).
Ауыл тұрғындарының денсаулық жағдайын талдауды ескере отырып, өткен жылдан бастап олар үшін скрининг шеңберінде тексерулер тізбесі едәуір кеңейтілді, профилактикалық тексерулердің жаңа пакеттері қалыптастырылды.
2023 жылы ұлттық жоба шеңберінде көптеген МСАК объектілерінің құрылысы, сондай-ақ «алтын сағат» қағидатын сақтай отырып, инфаркт, инсульт, жарақат және басқа да жағдайлар кезінде шұғыл медициналық көмек көрсете алатын бірқатар ауданаралық орталық аудандық ауруханаларға күрделі жөндеу және реконструкция жүргізу қамтамасыз етіледі. Сонымен қатар, денсаулық сақтау ұйымдарын заманауи медициналық жабдықтармен толық жарақтандыру, медициналық кадрларды даярлау көзделген.
Қазіргі уақытта денсаулық сақтау проблемаларының бірі ауылдық елді мекендерде медициналық кадрларды тарту және ұстап қалу болып табылады. Ауылдық елді мекендерде медициналық кадрлармен қамтамасыз ету бойынша жағдайды жақсарту мемлекеттің, жергілікті атқарушы органдар мен медициналық ұйымдардың бірлескен күш-жігерін талап ететін күрделі міндет болып табылады.
Қазақстанда медицинаның жоғары технологиялық бағыттары дамуда.
Бүгінгі таңда біздің елімізде халыққа жоғары технологиялық медициналық көмектің 80 түрі бойынша қолжетімділік қамтамасыз етілді.
Ағымдағы жылы 95 орган трансплантациясы жүргізілді (72 бүйрек, 23 бауыр).
Ашылған сәттен бастап орталықта кардиохирургиялық, нейрохирургиялық, жалпы хирургиялық, оның ішінде орталық жүйке жүйесінің ауруларын радиохирургиялық емдеуді жүзеге асыратын Гамма-пышақтар 1037 операция, биыл – 233 операция (1 операция – 1 млн.719 мың теңге) жүргізілді.
Осы жылдан бастап онкологиялық қызметті кешенді жаңғырту басталды, оның ішінде ісікке қарсы жаңа дәрілік заттар желісін кеңейту, онкологиялық қызметтің ғылымы мен кадрлық әлеуетін дамыту, диагностикалық және емдеу жабдықтарын жаңғырту, 16 желілік үдеткіш сатып алу, онкологиялық орталықтарды реконструкциялау және салу және т. б.
2023 жылы МӘМС жүйесіне халықты тарту бойынша жұмыс жалғастырылды. ТМККК және МӘМС қаржылық ағындарын медициналық көмек тізбесін нақты ажырата отырып, бірыңғай пулға біріктіру жүзеге асырылады. МӘМС жүйесін енгізу сөзсіз жүйеге қосымша қаржы ресурстарын енгізуге мүмкіндік берді және тұтастай алғанда жүйе меншік нысанына қарамастан барлық денсаулық сақтау субъектілерінің қаржы ресурстарына қолжетімділікті қамтамасыз ете отырып, нарықтық қағидат бойынша дами бастады және алғаш рет жеке медициналық ұйымдардың үлесі МСАК деңгейінде басым бола бастады.
МСАК-тың алдын алуға және қарқынды дамуына баса назар аударылатын Денсаулық сақтау модельдері ең тиімді жүйелер болып саналады.
Өздеріңіз білетіндей, 2023 жылғы 22-23 қазанда Астанада Алматы декларациясының 45 жылдығына және МСАК туралы 5-ші Астана Декларациясына арналған МСАК бойынша Жаһандық конференция өтті.
Бұл оқиғалар халықтың денсаулығы мен әл-ауқатын тиімді, тең құқылы және нәтижелі қамтамасыз ету үшін МСАК-тың бірінші кезектегі маңыздылығын көрсетеді.
Қазақстан Президенті Қасым-Жомарт Тоқаев МСАК бойынша Жаһандық конференцияда өзінің құттықтау сөзінде ДДҰ қолдауымен МСАК бойынша елдер коалициясын құруды ұсынды, бұл МСАК-ты дамыту бойынша бірлескен ұсынымдар әзірлеуге, денсаулықты сақтау және алдын алу қағидаттарын ілгерілетуге мүмкіндік береді.
ҚР ДСМ ТМД-ға қатысушы мемлекеттерді коалицияға қосылуға шақырады, осылайша МСАК-тың медициналық-санитариялық қызметтермен жалпыға бірдей қамтуға қол жеткізудегі және оны өз елінде нығайтуға ұмтылудағы маңызды рөліне жоғары бейілділігін растайды.
Назар аударғаныңыз үшін рахмет.