«Халықтың санитариялық-эпидемиологиялық саламаттылығы саласындағы мемлекеттік қызметтерді көрсетудің кейбір мәселелері туралы» Қазақстан Республикасы Денсаулық сақтау министрінің 2020 жылғы 30 желтоқсандағы № ҚР ДСМ-336/2020 бұйрығына өзгерістер енгізу туралы» бұйрық жобасы

Қазақстан Республикасының Денсаулық сақтау министрлігі жолаушыларды тасымалдаумен айналысатын көлік құралдарына санитариялық-эпидемиологиялық қорытынды алу процесін жеңілдетуге және жетілдіруге бағытталған бұйрық жобасын әзірледі. Бұл кәсіпкерлер мен ұйымдарға мемлекеттік қызметті олардың қызметінің ерекшеліктерін ескере отырып, жылдам әрі қолайлы түрде алуға мүмкіндік береді.

Жоба аясында санитариялық-эпидемиологиялық қорытынды беру жөніндегі мемлекеттік қызмет көрсету үдерісін оңтайландыруға бағытталған өзгерістер ұсынылады.

Жаңа түзетулерге сәйкес бірнеше маңызды мәселелер нақтыланады:

1. Объектілерді тексеру барысында зертханалық зерттеулер олардың қызмет ерекшеліктері мен көлік құралдарының спецификасына сәйкес өткізілетін болады. Бұл санитариялық талаптарға сәйкестікті неғұрлым дәл бағалауға және жекелей тәсіл қолдануға мүмкіндік береді.
2. Санитариялық-эпидемиологиялық қорытындының күшін жоюға қатысты терминология нақтыланады. Атап айтқанда, объектіге жаңа қорытынды берілген жағдайда, сондай-ақ жеке кәсіпкердің қызметін тоқтату немесе таратылуы кезінде құжаттың күші жойылады.

Енгізіліп отырған өзгерістердің мақсаты:

• кәсіпкерлердің мемлекеттік қызметке тең қолжетімділігін қамтамасыз ету;
• рәсімдерді жеңілдету және әкімшілік кедергілерді азайту;
• қызмет алушылардың мемлекеттік органдарға деген сенімін арттыру;
• жолаушылар тасымалы саласында бизнестің дамуына қолайлы жағдай жасау.

Аталған түзетулер мемлекеттік қызметтерді цифрландыру мен оңтайландыруға, сондай-ақ елдегі санитариялық-эпидемиологиялық бақылаудың сапасы мен ашықтығын арттыруға бағытталған тағы бір қадам болмақ.

 

Денсаулық сақтау министрлігі енгізілетін өзгерістердің практикалық маңызға ие екенін, кәсіпкерлерді қолдауға, жолаушылар тасымалы үшін қауіпсіз әрі қолайлы жағдай қалыптастыруға және мемлекеттік қызметтердің тиімділігін арттыруға бағытталғанын атап өтті.

 

Дата публикации

10 декабря 2025