Абай ауданының жергілікті өзін-өзі басқару органдарының функцияларын іске асыруға бағытталған бюджет қаражатын пайдалануды талдау және мемлекеттік аудиттің қорытындылары туралы баспасөз хабарламасы
Баспасөз хабарламасы
2022 жылғы 14 шілдеде тексеру комиссиясының кезекті отырысы өтті.
Тексеру комиссиясының отырысында Абай ауданының жергілікті өзін-өзі басқару органдарының функцияларын іске асыруға бағытталған бюджет қаражатын пайдалануды талдау және мемлекеттік аудиттің қорытындылары шығарылды.
Отырыс барысында өңірде 2013 жылдан бастап жергілікті өзін-өзі басқару жүйесін құру ағымдағы мәселелерді жедел шешуге, сондай-ақ ауылдық елді мекендердің әлеуметтік-экономикалық дамуының ұзақ мерзімді міндеттері мен бағыттарын айқындауға ықпал еткені атап өтілді.
Әкімдердің өздеріне жүктелген құзыреттерді жүзеге асыруы коммуналдық меншікті басқаруда, жер қатынастарын реттеуде, кәсіпкерлік қызметті дамытуда дербестікті кеңейтуге оң әсерін тигізді.
Бұл ретте, жергілікті өзін-өзі басқару бюджеттерінің кіріс бөлігін қалыптастыру, өткен жылдардағыдай, негізінен жоғары тұрған бюджеттерден түсетін түсімдер есебінен (2020 жылы – 91,2%, 2021 жылы – 88,2%, 2022 жылы – 83,9%) олардың трансферттер көлеміне және шығыстардың ағымдағы, «қолдаушы» сипатына тәуелділігін айтуға болады.
Абай қаласының, ауылдардың, кенттердің, ауылдық округтердің әкім аппараттары ЖӨБ бюджеттерінің әзірленуін және атқарылуын қамтамасыз ететін кадрлармен, оның ішінде бухгалтерлермен және экономистермен қажетті мөлшерде жасақталған.
кәсібилігінің жеткіліксіздігі және кейбір жағдайларда жұмыс тәжірибесінің төмендігі, олардың қолданыстағы заңнаманы білмеуі анықталған бұзушылықтардың себептерінің бірі болды .
Мемлекеттік аудит нәтижелері бойынша 4 нысан бойынша материалдар Қарағанды облысы бойынша Ішкі мемлекеттік аудит департаментіне кінәлі лауазымды тұлғалардың әкімшілік жауапкершілігін қарау үшін жолданды; Қарағанды облысы бойынша тексеру комиссиясы бюджет қаражатын тиімсіз пайдалану фактілері үшін 1 лауазымды тұлғаны әкімшілік жауапкершілікке тартты.