Астанада "KEGOC" АҚ тарифтерінің өзгеруі бойынша жария тыңдаулар өтті

Бүгін, 2025 жылғы 11 наурызда ҚР ҰЭМ Табиғи монополияларды реттеу комитеті «KEGOC» АҚ-ның реттелетін қызметтеріне бекітілген тарифтер мен тарифтік сметаларды өзгертуге арналған өтінімді талқылау бойынша жария тыңдаулар өткізді.

Жария тыңдаулар ТМРК төрағасының орынбасары Нұрлан Болатбаевтың төрағалығымен өткізілді, ол қатысушыларды іс-шараны өткізу тәртібімен таныстырды.

Ол барлық мүдделі тараптардың белсенді қатысуының маңыздылығын атап өтіп, оларды өтінім бойынша ұсыныстар мен ескертулер беруге шақырды. «Жария тыңдауларды өткізудің мақсаты – ашықтықты, жариялылықты, ақпараттандыруды қамтамасыз ету және тұтынушылар мүдделерінің теңгерімін сақтау», – деп атап өтті Нұрлан Болатбаев.

Іс-шараға салалық мемлекеттік орган атынан ҚР Энергетика министрлігі, «KEGOC» АҚ-ның басшылығы, бұқаралық ақпарат құралдарының өкілдері, сондай-ақ басқа да мүдделі тұлғалар қатысты.

Реттелетін қызметтерге жоспарланған тарифтер туралы «KEGOC» АҚ-ның Экономика және қаржы жөніндегі басқарушы директоры - Айгүл Әкімбаева баяндама жасады.

Жария тыңдаулар офлайн режимде өткізілді және бір уақытта «ZOOM» платформасында және ТМРК-ның Facebook-тегі ресми парақшасында көрсетілді, бұл мүдделі тұлғаларға нақты уақыт режимінде сұрақтар қоюға мүмкіндік берді.

Іс-шара соңында ТМРК төрағасының орынбасары ұсынылған жобаның алдын ала екенін және түпкілікті шешім «KEGOC» АҚ-ның өтінімін ҚР заңнамасында белгіленген мерзімдер мен тәртіппен мұқият қарау қорытындысы бойынша қабылданатынын еске салды.