ТМРК-ның мамандары қоғамдық қабылдау өткізді

Бүгін, а.ж. 4 сәуірде ҚР ҰЭМ Табиғи монополияларды реттеу комитетінің мамандары коммуналдық қызметтердің тұтынушылары үшін кезекті қоғамдық қабылдау өткізді.

ТМРК қызметкерлері тікелей эфирде тұтынушылармен реттелетін коммуналдық қызметтерге тариф белгілеу мәселелері бойынша соңғы мәліметтермен бөлісті, сондай-ақ комментарий түрінде түскен сұрақтарға жауап берді.

Табиғи монополиялар саласындағы заңнамаға және заңға тәуелді актілерге енгізілген түзетулер де егжей-тегжейлі қозғалды.

Қабылдау бөлмесі ТМРК төрағасының орынбасары Нұрлан Булатбаевтың төрағалығымен өтті.

Осындай қабылдаулар еліміздің барлық өңірлерінде Facebook-тегі ресми парақшаларда трансляциялау арқылы өтті.