«Тас Кум Су» ЖШС-ы үшін уақытша өтемдік тариф бекітілді

Қазақстан Республикасы Ұлттық экономика министрлігі Табиғи монополияларды реттеу комитетінің Алматы облысы бойынша департаменті Д. Саттаровтың және Алматы облысы Талғар ауданы Бесағаш ауылы тұрғындарының «ТАС КУМ СУ» ЖШС-не қатысты өтініштері аясында «Тас Кум Су» ЖШС-ның реттеліп көрсетілетін қызметіне 2018 жылдың қорытындысы бойынша тарифтік сметасына талдау жүргізді.

Нәтижесінде 8 944,56 мың теңге негізделмеген пайда мөлшері анықталды.

Осыған орай Департаменттің 2020 жылғы 11 ақпандағы №22-НҚ бұйрығына сәйкес «Тас Кум Су» ЖШС-ның реттеліп көрсетілетін қызметтеріне уақытша өтемдік тариф бекітілді. Бұйрық ағымдағы жылдың 1 сәуірінен бастап күшіне енеді және халық санаты үшін 1 метр кубқа 104,58 теңгені құрайды, өзге де мекемелер санаты бойынша 1 метр кубқа 125,50 теңгені құрайтын болады.