«Шиелі Жарығы» ЖШС-ның өтінімі бойынша Қызылорда облысының Жалағаш және Теренөзек к. жария тыңдау өткізілді

Қазақстан Республикасы Ұлттық экономика министрлігі Табиғи монополияларды реттеу комитетінің Қызылорда облысы бойынша департаменті 2020 жылдың 17 қаңтарында Жалағаш және Теренөзек кенттерінде «Шиелі Жарығы» ЖШС-ның электр энергиясы шекті бағасының жобасын талқылау бойынша жария тыңдау өткізді.

«Шиелі Жарығы» ЖШС-ы Қызылорда облысының Жаңақорған, Шиелі, Жалағаш, Сырдарья, Қармақшы аудандарындағы тұтынушыларына электр энергиясымен жабдықтау қызметін ұсынады.

«Шиелі Жарығы» ЖШС-ның тұтынушылар үшін электр энергиясымен жабдықтау қызметінің жобалық босату бағасының мөлшері ҚҚС-сыз 1кВт/сағатқа 17,22 теңге құрады.

Өзгеруге негізгі себеп болып отырған - ҚР Энергетика министрлігінің бұйрығыменен бекітілген сатын алынатын электр энергия бағаларының өсуі, электр қуатының жүктемені көтеруге әзірлігін қамтамасыз ету бойынша көрсететін қызметі құны мен «КЕГОК» АҚ-ның желілері бойынша электр энергиясын беру тарифінің өзгеруі.

Жария тыңдауларға, аудандық мәслихат депутаттары, аудандық Қоғамдық кеңестердің төрағалары, мемлекеттік органдардың және үкіметтік емес ұйымдардың өкілдері, сондай-ақ тұтынушылар қатысты.

Өткізілген жария тыңдауларда айтылған сын-ескертпелерді, ұсыныс-пікірлерді ескере отырып, Департаментпен түпкілікті шешімді 2020 жылдың 29 қаңтарында қабылдайды.