Жамбыл облысы. Сыбайлас жемқорлыққа қарсы күресті күшейтуді іске асыру және әдеп нормаларын сақтау мәселелері бойынша жиын өткізілді
Жиында Департамент басшысы Ерболат Дүйсембиев мемлекеттік қызметшілердің іс-сапардағы және қызметтік қажеттілік бойынша тұрақты орналасу шегінен тыс өзге де шығулар барысындағы мінез-құлқы туралы жадынама, парасаттылық декларациясы және Қазақстан Республикасының Сыбайлас жемқорлыққа қарсы іс –қимыл агенттігінің Төрағасы А. Шпекбаевтың алғашқы постымен таныстырып өтті.
Онда, А. Шпекбаев мемлекеттік аппараттағы келеңсіз құбылыстардың бірі - ел ішіндегі іссапарлар барысындағы қызметшілердің теріс қылықтары және отырыс, алым-салық, дастархан жаю және тарту жасау қоса жүретін тамыр жайған, төмен құрылымдарды жаппай тексерулерге назар аударды.
Агенттік бұл мәселені жүйелі бақылауға алды. Жекелеген өңірлерде нәтижелер бар - кінәлі тұлғалар жауапкершілікке тартылуда. Сонымен қатар, бюджет қаражатын ұтымды пайдалану мақсатында Үкіметке қашықтықтан мониторингке көшумен көшпелі тексерулерді оңтайландыру жөнінде ұсыныстар енгізілетін болады.
Жиын барысында іс – сапарға шығатын қызметшілер туралы ақпарат интернет – ресурстарында және әлеуметтік желілерде жарияланатыны және ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Жамбыл облысы бойынша департаментіне ұсынылатыны туралы ескертілді.