Жамбыл облысы. Департамент әдеп нормаларын сақтау мәселелері бойынша жиын өткізді

Қазақстан Республикасы Ұлттық экономика министрлігі Табиғи монополияларды реттеу, бәсекелестікті және тұтынушылардың құқықтарын қорғау комитетінің Жамбыл облысы бойынша департаментінде Қазақстан Республикасы Мемлекеттік қызмет істері және сыбайлас жемқорлыққа қарсы іс – қимыл агенттігінің Жамбыл облысы бойынша департаментінің 2019 жылғы 18 маусымдағы № 3-3/1679 және №3-3/1682 хаттарына сәйкес Департаменттің қызметкерлері арасында әдеп нормаларын сақтау бойынша жиын өткізілді.

Жиында Департаменттің Әдеп жөніндегі уәкілі, бөлім басшысы С.Ж.Мағзымбекова мемлекеттік қызметшілердің іс-сапардағы және қызметтік қажеттілік бойынша тұрақты орналасу шегінен тыс өзге де шығулар барысындағы мінез-құлқы туралы жадынама және парасаттылық декларациясы жөнінде айтып түсіндірді.

Жиын барысында іс – сапарға шығатын қызметшілер туралы ақпарат интернет – ресурстарында және әлеуметтік желілерде жарияланатыны және ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Жамбыл облысы бойынша департаментіне ұсынылатыны туралы ескертілді.