Ақтөбе облысы. Монополияға қарсы орган Ақтөбе қаласы Тұрғын үй-коммуналдық шаруашылық бөліміне қатысты тергеу жүргізуде

Қазақстан Республикасы Ұлттық экономика министрлігі Табиғи монополияларды реттеу, бәсекелестікті және тұтынушылардың құқықтарын қорғау комитетінің Ақтөбе облысы бойынша департамент «Автопарк» ЖШС-нің өтінішін қарау нәтижесінде, Тұрғын үй-коммуналдық шаруашылық бөліміне қатысты ҚР бәсекелестікті сақтау саласындағы заң бұзушылықтар қарастырылып, мемлекеттік жергілікті атқарушы органдардың бәсекелестікке қарсы іс-қимыл туралы тергеу тағайындады.

Тұрғын үй-коммуналдық шаруашылық бөлімі заңды тұлғамен Ақтөбе қаласы аумағында бағдаршам объектілерін пайдалану және жұмыс істеу, сондай-ақ басқа да қызметтер түрлері бойынша бір көзден келісім шарт жасады.

Монополияға қарсы орган Тұрғын үй-коммуналдық шаруашылық бөлімінің іс-әрекеттерінде бәсекелестікке қарсы іс-қимыл белгілері бар екенін хабарлап, оларды жою бойынша шараларды қабылдау қажеттілігі туралы ескертті.

Алайда, Тұрғын үй-коммуналдық шаруашылық бөлімі хабарламада көрсетілген бәсекелестікті шектеуге және жоюға бағытталғын іс-әрекеттерді тоқтатқан жоқ.

Тергеу жүргізілуде.