Астанада босқындар мәселелері бойынша ұлттық дөңгелек үстел өтті

ҚР Еңбек және халықты әлеуметтік қорғау министрлігі Көші-қон комитетінің төрағасы Асқарбек Ертаев Босқындар мәселелері жөніндегі жаһандық форумға (бұдан әрі – Жаһандық форум) дайындық шеңберінде ұйымдастырылған Қазақстан Республикасындағы Ұлттық дөңгелек үстелге қатысты.

Дөңгелек үстелдің мақсаты Жаһандық форумға қатысты ықтимал жаңа міндеттемелерді анықтау және ұсыну және ақпарат алмасу үшін консультативтік платформа ұсыну болып табылады.

Іс-шараға орталық мемлекеттік органдардың, құқық қорғау органдарының, білім беру мекемелерінің және халықаралық ұйымдардың өкілдері қатысты.

Дөңгелек үстел барысында 2023 жылғы босқындар мәселелері жөніндегі Жаһандық форум аясында Қазақстанның халықаралық қоғамдастық алдындағы әлеуетті міндеттемелері талқыланды.

Өз кезегінде Асқарбек Ертаев босқындар мен пана іздеушілерді қолдауды ескере отырып, Қазақстанның көші-қон саясатын жетілдіру бойынша қабылданып жатқан шаралары туралы хабардар етті.

«Қазақстан босқындар мәселелері жөніндегі Жаһандық желінің бір бөлігіне айналды, оның мақсаты барлық халықаралық ұйымдарды бірлескен үйлесімді жұмыс арқылы босқындар проблемаларын шешуге жұмылдыру болып жарияланды. Бұл БҰҰ БЖКБ-мен нәтижелі ынтымақтастықтың арқасында мүмкін болды», - деп атап өтті Комитет басшысы.

Босқындар мәселелері жөніндегі жаһандық форум ағымдағы жылдың 13-15 желтоқсанында Женева қаласында өтеді.