Қазақстан Республикасы Еңбек және халықты әлеуметтік қорғау министрлігінің Көші-қон комитеті, «Еңбек ресурстарын дамыту орталығы» АҚ және «Kazakh Tourizm» ҰК» АҚ Қазақстан Республикасының шет елдердегі мекемелері үшін қандас мәртебесін беру және «eQonaq – Kutty Meken» мобильдік қосымшасы арқылы «Ата жолы» картасын беру бойынша онлайн-оқыту өткізді «eQonaq» ақпараттық жүйесінің базасында

Ағымдағы жылдың 8 қыркүйегінде Еңбекминінің көші-қон комитеті «Еңбек ресурстарын дамыту орталығы» АҚ және «Kazakh Tourizm «ҰК» АҚ-мен бірлесіп, қандас мәртебесін беру және «Ата жолы» карта беру бойынша Мемлекеттік қызмет көрсету үшін «eQonaq – Kutty Meken» ақпараттық жүйесінің базасында «eQonaq» мобильді қосымшасын пайдалану бойынша ҚР шет елдердегі мекемелерімен онлайн-оқыту өткізді.

ҚР шет елдердегі мекемелерімен онлайн-оқытуға құқықтық мәселелер бойынша консулдар қатысты.

«Kazakh Tourizm «ҰК» АҚ қандас мәртебесін берудің, сондай – ақ «eQonaq-Kutty Meken» мобильдік қосымшасы арқылы «Ата жолы» картасын алудың толық бизнес процесін көрсетті.

Экономикалық ұтқырлық сертификаттарын беру және осы жұмыстарды жандандыру мәселелері жеке қаралды.

«eQonaq – Kutty Meken» мобильдік қосымшасының функционалы қандас мәртебесін беруге өтінім беруді және этникалық қазақтарға берілетін «Ата жолы» картасын алуды едәуір жеңілдетеді, сондай-ақ мемлекеттік органдар арасындағы өзара іс-қимыл процесін жеделдетеді.

Мобильді қосымша шетелдегі этникалық қазақтарды қоса алғанда, барлық пайдаланушылар үшін ыңғайлы және қауіпсіз авторизацияны қамтамасыз етеді.