Еңбек және халықты әлеуметтік қорғау министрлігі Халықаралық көші қон ұйымымен көші қон саясаты бойынша өзара іс қимыл мәселелерін талқылады

Еңбек және халықты әлеуметтік қорғау бірінші вице-министрі Ақмәди Сарбасовтың төрағалығымен Халықаралық көші-қон ұйымының сарапшыларымен кездесу өткізілді.

Осы кездесуде бірлескен жұмыстардың Жол картасының іс-шаралары, сондай-ақ көші-қон процестерін басқару, босқындардың құқықтарын қорғау және т. б. мәселелер бойынша жобаны іске асыру талқыланды.

Өз кезегінде, көші-қон жөніндегі халықаралық ұйымның Орталық Азия бойынша субөңірлік үйлестірушісі Зейнал Гаджиев босқындардың құқықтарын қорғау бойынша жүргізіліп жатқан жұмыстарды атап өтті.

Кездесудің соңғы бөлігінде тараптар қауіпсіз, реттелген және заңды көші-қон туралы Жаһандық шарттағы жұмыстардың барысын және түйінді бағыттар бойынша ынтымақтастықтың одан әрі кезеңдерін талқылады.