Павлодар облысында өрт қауіпсіздігі талаптарын бұзғаны үшін 177 адамға 2 миллионға жуық теңге айыппұл салынды

2023 жылдың өрт қауіпті кезеңінің басынан бастап (1 сәуірден 25 тамызға дейін) облыс аумағында 200 орман өрті, 3 дала өрті және 146 дала өрті тіркелген. Табиғи өрттер мен өрттердің жалпы ауданы 12212,3 гектардан асты.

Орманды дала алаптары мен демалыс орындарында 45 мобильдік топ құрылды (ТЖД, ЖПҚ, табиғат қорғау және орман мекемелері мен ЖАО қызметкерлерінің ішінен 179 адам), олар 1291 рейд жүргізді, өрт қауіпсіздігі талаптарын бұзғаны үшін 177 адамға жалпы сомасы 1 млн. 828,5 мың теңге көлемінде әкімшілік жауапкершілікке тартылды, (оның ішінде 336-бап бойынша, 367, 410 және 505 ӘҚБтК).

Бұдан басқа, орманды дала алқаптарында өртке алып келген көліктегі өрт қауіпсіздігі қағидаларының (ӘҚБтК 589-бабы) талаптарын бұзғаны үшін 21 адам әкімшілік жауапкершілікке тартылып, 189 мың 750 теңге сомасында айыппұл салынды.

Қазіргі уақытта облыс аумағында 55 өрт сөндіру бекеті жұмыс істейді, олар жалпы саны 112 мыңнан астам адамды құрайтын 259 елді мекенді өрттен қорғауды қамтамасыз етеді. Олардың иелігінде 69 түрлі техника, оның ішінде 59 бірлік өрт сөндіру және 10 бірлік бейімделген техника бар.

Орманды дала және жайылма аумақтарда, сондай-ақ бау-бақша учаскелерінде өрттердің алдын алу мақсатында ТЖД қызметкерлері азаматтарды өрт қауіпсіздігі ережелерінің талаптарын сақтауға шақырады.

 

 

Павлодар облысы ТЖД баспасөз қызметі