Өскеменде Спорт сарайында өртті қалай сөндіруге болатынын пысықтады

ШҚО ТЖД қызметкерлері адамдар көп жиналатын объектіде өртті сөндіру тактикасын пысықтады. Өскемендегі Спорт сарайы 5000 адамға дейін сыяды.  Оқу-жаттығу аңызына сәйкес ғимарат әкімшілігімен бірлесіп, Адамдарды эвакуациялау  және 30 шаршы метрді қамтыған өртті сөндіру қажет болды.

Оқу-жаттығулар теориялық бөлімнен басталды, онда өрт сөндірушілер объектінің құрылымдық ерекшеліктерімен, Ауданның сумен жабдықтау сұлбасымен, көлік инфрақұрылымының мүмкіндіктерімен және өртті сөндірудің тиімділігіне әсер ететін басқа да көптеген жағдайлармен танысты.

Сценарий бойынша, электр сымдарының қысқа тұйықталуы нәтижесінде хоккей командаларының киім ауыстыратын бөлмесінде жертөледе орналасқан төбе шамындағы пластикалық корпус жанып кетті. Пластмасса балқымасы сөрелердегі киімдерге түсіп, оларды тұтандырды. 3 минуттан кейін  өрт дабылы  отты анықтап және ғимараттан эвакуациялау қажеттігі туралы автоматты  түрде хабарлау жүйесі іске қосылды, сондай-ақ спринклерлі өрт сөндіру жүйесі қосылды, бірақ ол істен шықты. Ғимарат күзеті "101" телефоны мен спорт сарайының басшылығына өрттің шыққаны туралы хабарлады.

Бірінші кезекте қызметкерлер өрт сөндіру бөлімшелерінің кездесуін ұйымдастыра отырып, адамдарды ғимараттан эвакуациялауды бастады. Қауіпсіздік мақсатында олар электр қуатын өшірді.

Шартты жануды сөндіруге ШҚО ТЖД күштері мен құралдарының барынша көп саны тартылды.    Отпен күресу үшін өрт сөндіру штабы құрылды.

Өртті толығымен сөндіру үшін өрт сөндірушілерге бір сағаттан аз уақыт қажет болды.

Жаттығу барысында адамдарды эвакуациялауды ұйымдастырудың жеделдігі мәселелері пысықталды.

Оқу-жаттығу соңында ШҚО ТЖД мамандары өрт қауіпсіздігі ережелерін сақтау бойынша нұсқаулық өткізді, алғашқы өрт сөндіру құралдарын, автоматты өрт сөндіру жүйесін және ғимараттан эвакуациялау жолдарын жарамды күйде ұстау бойынша ұсыныстар берді.

 

ШҚО ТЖД баспасөз қызметі